Home General Defensa di Simar den Corte tabata hopi debil enfrente e trahadornan

Defensa di Simar den Corte tabata hopi debil enfrente e trahadornan

0
0
SHARE
- Advertisement -

Segun observadornan…
ORANJESTAD (AAN): Diamars atardi a tuma lugar den Corte di Husticia, e caso di Simar vs. e dos Trahadornan di Oficina, kendenan ta reclamando pa tres aña caba e derecho di pago extra segun a keda acorda. Segun observadornan, dilanti Mesa Berde, loke e directiva a presenta, a laga hopi di desea! Por hasta pensa, si berdad e hendenan aki ta apto pa por ta den directiva. E defensa tabata nada concreto. Algun biaha hasta e abogado di Simar tabata haya sorpresa ‘on the fly’ den Corte. Dia 6 di Juni 2012, Huez lo dicta sentencia den e caso. Si acaso Simar perde e caso aki, e lo por nificacion profundo pa e actual Directiva. Pasobra bo por analisa aki, cu si nan no por handle “problema di dos trahador”, ta con bo por handle problema di 700 miembro? Cu dos trahador mes a bay Huez, y tur cos ta mustra cu nan lo bay gana e caso. Ta berguenza grandi cu un Directiva no por a handle of yega na acuerdo.
Algun hende ta pensa cu henter e directiva lo mester pidi retiro si acaso nan sali perdi.
Di con nan ta bisa esey? Pasobra apenas siman pasa a yama reunion di Simar, pero ningun hende a show up. Esey kiermeen cu Miembronan no ta sostene nan.

Varios observador ta mira cu e caso aki facilmente ta gana door di e dos trahadornan. Envez di a defende trahador, nan a bay Corte, y e defensa ta mustra cu nan ta hopi zwak para mes.

Por corda cu den e asunto aki, hasta e ex-president di Simar a hasta pidi retiro, pasobra e no tabata haya cooperacion pa corectamente paga e dos pober empleadonan. Nan a bin na mando, y awor cueste loke cueste no kier paga nan.

Parce cu e 700 miembronan di Simar no ta atende reunion, y debi na esey e Directiva actual ta haci y deshaci!.

- Advertisement -

DUNA COMENTARIO

Please enter your comment!
Please enter your name here