Endy Croes homber liber atrobe diasabra pero no inocente of culpable ainda!
ORANJESTAD(AAN):Diabierna Huez Comisario no a honra peticion di fiscal pa prolonga detencion di Endy Croes, sospecha pa falsificacion y malversacion di fondonan di Lotto pa Deporte. E investigacion ta sigui. Si huez comisario a lague bai NO kiermen cu e ta inocente segun fiscal. E investigacion segun ministerio publico ta sigui su rumbo.
Na dado momento por yega e momento cu Endy Croes y otronan mester presenta dilanti huez ora e investigacion ta cla. Dilanti huez lo dicidi si Endy Croes ta inocente. Endy Croes mescos cu Ricky Croes y tambe Frederick Croes ta sospechosonan cu a keda deteni den e investigacion cu lands recherche tabata haciendo den e caso di lotto. Ministerio Publico ta lamenta cu a laga e sospechoso bai prome cu nan a termina cu e proceso di investigacion mirando cu nan a pidi prolongacion riba e caso aki. Diasabra su 8 dia di prolongacion ta termina y den oranan di merdia lo laga Endy Croes den libertad.
