Gobierno di Hulanda ta tambaliando!
ORANJESTAD (AAN): Tur cos tin di haber cu e pakete di medida cu Gobierno Hulandes ta cla pa anuncia pa nan por cumpli cu normanan di Union Europeo relaciona cu situacion financiero di e pais. Tur cos tabata casi cla pero diasabra merdia Geert Wilders di PVV a bandona reunion bisando cu e no por acepta cu na Bruselas ta dicidi riba e Hulandesnan. Wilders ta sigura cu e pakete di medida lo percura pa hopi perdida di compra, mientras cu expertonan di Gobierno ta convenci cu e lo afecta solamente esunnan di un entrada abou cu solamente 1%.
Cu e situacion aki awor riba mesa Gobierno tin chens grandi di cay, aunke cu oficialmente esaki no a sosode ainda.
Prome Minister Mark Rutte a bisa di a informa SM Reina Beatrix telefonicamente di e situacion y ta spera cu dialuna lo reuni atrobe pa mira kico lo sosode. Wilders y otronan a anuncia caba cu eleccion ta un di e opcionnan awor!
