Home Evenemento Inauguracion Ruta oficial Oranjestad

Inauguracion Ruta oficial Oranjestad

4
0
SHARE
- Advertisement -

ORANJESTAD   (AAN):  Diadomingo awor, pa ta exacto dia 29 di April, tur esnan cu kier cana of core den e  Ciclovia Aruba por haci esaki cuminsando for di 9or di mainta dilanti di oficina di turismo  net pabou di Talk of the Town.

   E caminata aki ta completamente gratis y solamente  mester presenta na e “Ciclovia Aruba” na Oranjestad pa cana of core riba un ruta di  4.5km.

     Pa esnan cu yega mas trempan of mas laat por sigui cana of jog riba e area cu lo worde  sera pa trafico den cercania di e Linear Park. Esaki ta net un bon warm-up pa e  BoulevardLoop e dia siguiente. Tambe lo ta bay tin disponible weganan pa publico y sin  laga afor Zumba, Pachanga, Mission, Aerobics y mucho mas for di 7or di mainta te cu  12or di merdia.

    E famoso biketour tambe lo ta saliendo pa 9or di mainta en punto hunto

cu e caminata pero lo core un diferente ruta e siman aki. E biketour aki lo ta 17 km  saliendo for di oficina di A.T.A., Rotonde Boulevard, Rotonde Ponton, Centro Deportivo  Frans Figaroa, Amsterdam Manor, y termina back na Linear Park.

    Pa esnan bow di 8 aña  lo ta bay tin un ruta alternativo unda cu nan lo por drenta e biketour na oficina di  IDEFRE y termina back na Linear Park. E ruta di e caminata ta e siguiente: ta cuminsa pa  9:00AM exacto saliendo for di oficina di Turismo A.T.A. (net pabou di Talk of the Town)  direccion pabou, bira na man drechi subi e caminda Adrian Lacle Boulevard, sigui te na e  lusnan di trafico banda di ELMAR , bira na man robes, subi Wilhelminastraat direccion

pabou sigui riba Havenstraat te na ARUBUS, bira na man robes direccion pazuid y atrobe  bira na man robes subi e caretera principal L.G.Smith Blvd, direccion pariba back pa  oficina di A.T.A.

    Lo tin premio den forma di rifa pa esnan cu participa den e caminata y

cu a haya e stempel na e dos ultimo punto di returno banda di Talk of the Town y e cas  di Gobernador (bieu). Pa mas informacion bishita nos facebook page na

www.facebook.com/cicloviaaruba of yama IDEFRE na 5824987. Nos ta topa na e Ciclovia Oranjestad cu ta priminti di bira un actividad hopi grandi!

- Advertisement -

DUNA COMENTARIO

Please enter your comment!
Please enter your name here