Lotto a entrega premio di Mini Mega na famia Werleman
Un famia mas feliz cu su premio miyonario
ORANJESTAD (AAN): Diamars cu a pasa a tuma luga e sorteo di Mini Mega di Lotto pa Deporte, den cual e premio tabata Afl. 1.600.000,00. E numbernan Ganado tabata 22 – 12 – 29 – 30 y Mega Ball: 08. E Ganado a resulta Sr. Mario Werleman kende a cumpra su Mini Mega na Kinesia na Noord. El a cumpra cuatro combinacion di number y a conta cu e numbernan ta fecha di nacemento di su nietonan y yiunan. Cu masha alegria famia Werleman a acepta e check grandi aki for di man di Sr. Ronald van de Berg di Fundacion Lotto pa Deporte. Durante su discurso, e director di Fundacion Lotto pa Deporte a felicita e ganado cu su premio miyonario.
Na mes momento el a gradici comunidad di Aruba completo pa e sosten cu e loteria a ricibi durante cada un di e ultimo sorteonan di Mini Mega na unda por papia di un record den benta.
Cu esaki e comunidad a demostra nan compromiso y sosten na e loteria cu anualmente ta parti miyones di Florin na premio.
Separa di ta haci e ganadonan feliz y ta haci nan soñonan bira realidad, e fundacion ta percura pa genera fondo cu ta bay back directamente den deporte local.
E premio di Mini Mega awor ta na Afl. 250.000,00 pero lo sigui crece rapido atrobe, segun e demanda sigui halto pa banda di e cumpradonan. Suerte na un y tur!
