Home General Mercado Europeo ta trece hopi reto pero danki na mercadeo fuerte por...

Mercado Europeo ta trece hopi reto pero danki na mercadeo fuerte por mira trendnan positivo

0
0
SHARE
- Advertisement -

Minister Otmar Oduber:
ORANJESTAD (AAN): Den un entrevista diaranson 28 di maart, Minister di Turismo, Transporte y Labor, Otmar Oduber a papia riba e mercado turistico Europeo cu ta trece cune hopi retonan, esaki debi tanto na prijs di combustibel y e distancia grandi entre Aruba y Europa como tambe pa falta di accomodacionnan necesario den cierto temporada aki na Aruba.
Apesar di e retonan aki Europa ta reaccionando positivamente riba e mercadeo fuerte, unda cu Aruba a sa di mantene y crece pa loke ta trata ADR. Prijs di camber, grado di ocupacion y cantidad di hende ta sigui subi, esaki danki na eventonan manera “Aruba Meets Europe”cu ta duna Aruba un guia con ta e miho forma pa atende cu e mercado Europeo.
E evento “Aruba Meets Europe” di e aña aki ta uno special ya cu e orador principal tabata Prome Minister Mike Eman kende tin contacto extenso cu Europa y muy en particular cu Hulanda, no solamente riba e area di turismo sino tambe riba otro gatewaynan cu ta di suma importancia pa nos pais.

Na e momentonan aki tin dialogonan andando na Europa pa pone un environmental tax riba buelonan cu ta afecta Aruba tambe. Aki 4 siman Minister Oduber ta bay ta den Parlamento, pa asina den e prome siman di mei introduci e ticket levi pa Aruba cu ta nifica un suma chikito di 4 Euro riba ticketnan cumpra pafo di Aruba. E suman aki ta worde reinverti den airlift y ta worde usa pa atrae mas buelo y mantene esnan cu nos tin.

Por nota cu den otro paisnan den Caribe tin promocionnan andando unda cu paketenan barata ta worde bendi pa vakantie, riba e topico aki Minister Oduber a bisa cu Aruba no kier competi den e forma di baratio sino manteniendo nos nivel y calidad di producto.

Aña pasa a logra cera un suma di 5.5 miyon Florin for di room tax y conhunto cu otro “underspending” e suma e yega te na 13 miyon Florin adicional cu ta worde inverti den mercadeo den tur e mercadonan pa aña 2012.

Den un estudio cu a worde haci door di Dick Pope ta mustra cu e “Y generation” ta esun mas critico pa Aruba,cu nan ta buscando mas aventura durante nan vakantie, pero alavez nan ta hopi consciente di e naturalesa. door di mantene y engrandece nos naturalesa nos ta promoviendo nos producto cu ta bon pa nos turistanan pero tambe pa nos localnan.

Minister Oduber a expresa cu trahando hunto y organizado eventonan manera “Aruba Meets Europe”, Conferencia Anual de Turismo de Aruba cu a tuma lugar 2 siman pasa y combinando e informacionnan for di estudionan manera e Strategic Plan di Dick Pope Institute nos ta mantene Aruba su nivel den Caribe y sigui ta un di e lidernan den destinacionnan Caribense.

- Advertisement -

DUNA COMENTARIO

Please enter your comment!
Please enter your name here