Home General Minister Charles Cooper di Corsou a worde mal informa cu Aruba a...

Minister Charles Cooper di Corsou a worde mal informa cu Aruba a pidi NAATC pa desvia trafico aereo

1
0
SHARE
- Advertisement -

Minister Otmar Oduber:
Raport oficial di Directie Luchtvaart Aruba ta mustra cu eror a worde cometi na NAATC Corsou
ORANJESTAD (AAN): Diaranson mainta, Minister Otmar Oduber durante un rueda di prensa a desmenti categoricamente cu Aruba a pidi NAATC pa cera espacio aereo diasabra ultimo ora cu Aeropuerto Reina Beaxtrix a bira mucho druk y no tabatin espacio pa parkeer avion.
Raport ricibi for di Directie Luchtvaart Aruba ta indica cu dia 31 di maart 2012 pa 10:08 Aeropuerto Reina Beatrix a manda un nota pa Corsou y Venezuela informando cu debi na falta di espacio pa parkeer avion na e parti zuid di e plataforma di Aruba, no lo accepta aterisacion di buelonan priva entre 10:00 cu 12:00. Esaki debi na e cantidad halto di buelo biniendo for di Venezuela, manera ta costumber pa Semana Santa. Pa 12:14 e nota aki a worda cancela y buelonan priva por a sigui manera normal.


12:43 NAATC a informa Aeropuerto Reina Beatrix cu e espacio aereo rond di Aruba a worde cera debi na un situacion peligroso di cantidad halto di trafico aereo.

Pa 13:24 NAATC ta cancela e ceramento di e espacio aereo. Entre 12:43 y 13:24 buelonan comercial a keda stagna y no por a subi, solamente un par di avion priva por a sali rumbo pa Punto Fijo.

E raport ta indica cu 29 minuut despues cu situacion na Aruba a normalisa, NAATC ta cera e espacio aereo riba Aruba dibi cu NAATC no por a maneha e cantidad di avion na e momento ey, cual no tabatin nada di haber cu Aruba su falta di espacio pa parkeer avion.

Minister Otmar Oduber ta lamententa profundamente declaracion totalmente incorecto y cu no ta cuadra cu berdad di su colega Minister Charles Cooper y ta imagina su mes cu esaki ta debi na informacionnan incorecto cu el a ricibi.

- Advertisement -

DUNA COMENTARIO

Please enter your comment!
Please enter your name here