Polis a yega na tempo pa evita cu ladron a pluma un auto
ORANJESTAD (AAN): Keto bay ladronnan ta sigui horta auto, y bay pluma nan.
E siman aki, na altura di Santana Sabana Basora diaranzon mainta trempan, comandante di polis a dirigi su patruya pa persona (nan) ta plunder auto. Patruya di San Nicolas den algun minuut a presenta pa gara e ladron evita e laga e vehiculo como “skelet” atras.
Na momento cu polis a presenta nan a topa un Nissan Sentra color berde A 33588 na e lugar y persona desconoci no ta na e lugar mas.
E auto en cuestion ta procedente di ladronicia, desconoci a desmantela tur cuater tire, radio, luznan dilanti, grill, bateria, pieza di motor ( radiator, fan motor, distributor).
E homber di inicialnan A.F. di 26 aña a presenta na e lugar y pa medio di takel wagen “On Call” el a laga hiba e auto su cas.
Atrobe un otro victima di ladronicia “joyride” di su auto cu tin di bay inverti basta palca pa pone su vehiculo den condicion pa e uza esaki riba caminda.
