Home General Polis diripiente a cuminza duda si tin dos hende morto den camber...

Polis diripiente a cuminza duda si tin dos hende morto den camber of no

0
0
SHARE
- Advertisement -

ORANJESTAD (AAN): Warda di Polis a ricibi yamada riba Dialuna marduga y e persona na linea a declara cu un homber a presenta na su porta di cas y ta papia cos bruha. Ademas e persona cu e homber en cuestion a declara cu su mama y su tata a worde tira mata. Patruya di polis a worde dirigi mesora na e cas situa na Hooiberg pa atende e persona cu a yama warda y reporta di un que otro. Na e adres, polis a topa e homber conoci di inicialnan J.J. pero biba na un otro direccion na Hooiberg. E señora F. a declara cu J.J. cada vez ta cambia su version. Segun J.J. un homber color scur a tira su tata y mama mata pa alrededor di 1’or marduga.
Ademas J.J. a declara, cu e homber en cuestion di a tira su mayornan den camber y tambe J.J. a bisa polis di a bin busca su mayornan.

Na prome instancia J.J. a declara cu su mama ta morto, debi cu e tin cancer despues ta menciona cu su mayornan a worde tira mata.

Parce cu J.J. lo ta pacient di Paaz, pero polis tog a tene cuenta pa loke e ta bisa y pa cual e dos patruya bay na cas di J.J.

Na yegada e porta dilanti ta cera pero no na yabi. Polis a drenta den e cas y a control paden y pafo pero nan no a topa cu nada particular. Solamente e camber di e mayornan di J.J. ta na yabi., polis a bati e porta pero no ta haya reaccion.

E ruman muher di J.J. tabata na cas , parce cu e tambe lo no ta 100 porciento e version ta menciona.

Polis a purba pa haya contesta contante su mayornan pero e no tabata na altura.
Polisnan a tuma contacto cu nan hefe na warda di polis y a splica e situacion debi cu no tin otro forma pa tuma contacto cu mayornan di J.J.

Relaciona cu e importancia di e investigacion a dicidi pa forza e porta di e camber debi cu J.J. a bisa anteriormente cu homber a tira su mayornan den camber. E porta a worde forza, kibra, pero polis no a topa nada particular.

Den careda di 5’or y 30 di marduga a presenta un homber y un muher cual ta mayornan di J..J. na warda di polis pa sa relaciona cu e asistencia. Nan a bisa di a yega cas y a constata cu porta di camber a worde kibra. Tambe a bisa polis cu e yiu homber J.J a bisa cu ta polis a kibra e porta di camber.

Ademas su yiu muher a bisa cu polis a drenta den cas y ta polis a kibra e porta.
Hefe di e polisnan a presenta na warda y a splica e mayornan tocante di e yamada drenta y locual su yiu a declara na polis y na tercera y pakico finalmente a destrui e porta.

E mayornan a comprende y a laga sa cu no ta prome biaha nan yiu homber ta bisa conta e cosnan ey nan ta den contacto cu instancia pa busca solucion pa e yiu.

Polis a laga number di telefoon atras cerca e famia pa ora J.J. cuminsa conta e tipo di informe for di sla.

- Advertisement -

DUNA COMENTARIO

Please enter your comment!
Please enter your name here