Home General Proteccion Intelectual trahando riba dos ley nobo di proteccion: “Nomber di Negoshi”...

Proteccion Intelectual trahando riba dos ley nobo di proteccion: “Nomber di Negoshi” y “Marca”

1
0
SHARE
- Advertisement -

Director mr. Goss Oduber cu presentacion pa KvK:

ORANJESTAD (AAN) – Matutino DIARIO a entrevista director di Departamento di Proteccion Intelectual, mr. Gosswino Oduber, ken a worde invita pa Camara di Comercio y Industria pa duna un charla tocante proteccion di nomber di negoshi.

“Nomber di negoshi” ta un ley nobo cu e instancia aki ta trahando riba dje, y informa esnan interesa kico e ley aki ta encera, ki cambionan lo tin den dje, y su link naturalmente, cu propiedad intelectual di e proteccion cu nan tin pero tambe pa escogencia di un bon nomber pa no tin problema cu otro negoshi cu por bisa cu e nomber ey ta mucho similar na esun di dje”, drs. Gos Oduber a indica.

E negoshinan cu ta registra na KvK ta haya proteccion tambe contra e negoshinan cu ta bin for di exterior, of marcanan cu ta worde registra di afo.

El a subraya cu aworaki no tin un tipo di ley asina na Aruba. Camara di Comercio ta uza e ley cu ta existi di Hulanda, pero cu e entrada di e ley nobo aki, dentro di poco, ta bay tin nos propio reglanan cu tur compania tin cu atene na dje.

Pa loke ta proteccion di marca, mr. Oduber a indica cu esaki awor a tuma mas interes cu den pasado, unda cu e comerciante ta realiza cu proteccion ta hopi necesario y e nomber di un compania ta un di e factornan di mas importante pa e negoshi y doñonan di negoshi ta realizando esaki.

El a agrega cu Propiedad Intelectual ta registra hopi nomber di negoshi, pero tambe productonan di manufactura local nobo y ademas productonan cu ta bin di afo cu ta busca proteccion na Aruba, pa nan marca.

Nan ta registra mas cu mil marca anualmente, banda di otro manera derecho di autor y inventonan cu ta worde registra na Aruba. Señor Oduber a subraya cu e ley ta duna hopi caminda pa cana y nan ta biniendo tambe cu otro ley pa proteccion di marca, cu ta practicamente cla y pronto tambe esaki lo worde entrega na gobierno, y esaki ta amplia e caminda pa cana.

Algun tempo pasa hopi producto a worde tuma den beslag pasobra nan tabata usando nomber di otro hende riba e productonan. El a subraya cu Propiedad Intelectual como oficina nan ta pasivo, pero e doñonan di negoshi si por pidi autoridad concerni pa actua.

- Advertisement -

DUNA COMENTARIO

Please enter your comment!
Please enter your name here