Reunion hopi fructifero entre Minister Otmar y taxistanan di Aruba Diamond Taxi Services
ORANJESTAD (AAN): Recientemente Minister di Turismo, Transporte y Labor, Otmar Oduber a reuni cu Aruba Diamond Taxi Services y a dialoga riba diferente topico relaciona cu servicio di transporte di taxi.
A papia riba diferente cambio di maneho cu tin ta pasando durante e ultimo añanan den DOPV, algo cu Minister Oduber a pone hopi atencion na dje, contrario di loke e Gobierno anterior a haci. Na un manera transparente, manera ta Minister Oduber su costumber a bin cu cambionan den DOPV cu ta na benificio di pueblo. Trato igual ta prioridad di DOPV, unda cu no ta depende di cual partido politico of amigo of famia di ken bo ta, tur regla ta conta mes un cos pa tur hende, contrario na maneho di e mandatario anterior. E maneho nobo ta basa riba e idea di “ 3 strikes and your out”. Mediante bedrijfcontrole DOPV a logra kita 800 auto for di caminda cu tabata worde ilegalmente gehuur na stagiaire y turistanan.
Taxistanan a bisa di ta sostene fuertemente Minister Oduber su decision pa no honra e 53 toezeggingnan descabeya di ex Minister Eddy Briesen, kende cu despues di perde eleccion y dos dia prome cu bay cas a duna 53 taxi vergunning, den e forma aki kibrando e moratorium di 400 taxista na Aruba. Minister Oduber na su turno si ta honrando e moratoium aki y tin areglo cu Deloitte pa mira si acaso Aruba tin mester di mas taxi, pero tanten cu no worde demostra cu tin lugar pa mas taxi Minister Oduber no lo otorga mas vergunnig y ta keda cu e maximo di 400 taxi.
Un punto cu tabata sumamente importante pa Minister Oduber ta e asunto di medische keuring cu antes tabata pasa via docter di cas. Den cierto casonan e cheeo medico no tabata worde haci completo y di e forma aki tabata pone seguridad di pueblo y pasahero na peliger. E maneho nobo ta stipula cu tur taxista mester worde gekeurd door di SVB, caminda ta haci chekeo completo y intenso di e taxistanan.
Den cuadro cu servicio na bishitantenan Minister Oduber a papia riba uniformidad di e taxistanan, esaki pa mustra cu Aruba ta un pais organiza. A yega na e acuerdo cu no lo tin uniformidad den color cual ta algo cu e taxistanan mes no ta desea pero si den “taxi sign”, unda cu tur taxi lo carga un sign di mes un size y color demostrando cu nan ta taxi. Loke tambe ta sumamente importante pa reglamenta ta e tarifanan di taxi, cual mester ta organiza na un forma unda cu tur taxi tin mesun tarifa na mesun momento, esaki pa evita confusion y cu e turistanan ta sinti nan mes gaña door di e taxistanan. E structura di tarifa lo worde haci mas transparente unda cu e tarifa lo worde aumenta cu un flat rate.
Minister Oduber tin un comison ta trahando riba e cambio di ley di impuesto pa taxi, cual lo worde reduci di 4 aña pa 3 aña. Intension ta pa dia 1 di juni 2012 cuminsa implementa parti di e protocol anticipando cambio di ley mirando cu e cambio aki ta benificio pa e ciudadanonan. Mes un dia lo introduci dispacher na Aruba Airport Authority y como tambe na Aruba Ports Authority pa regula e servicio di taxi y haci esaki uno mas organiza. Minister Oduber a recorda e taxistanan cu nan por bin na remarke pa haya descuento riba nummerplaat di taxi, pero nan mester pidi esaki por escrito cerca Minister di Finanzas.
Mirando cu taxistanan ta un parti sumamente importante di e producto Aruba, Minister Oduber a conseha y encurasha tur pa sigui e Aruba Certification Program, un idea cu tur taxista a bay di acuerdo cune. Tambe a pidi tur taxista pa sostene e Carubbian Festival cu ta importante pa e progreso di San Nicolas y cu ta hibando nomber di Aruba dilanti rond di mundo manera tabata e caso cu e nombracion di “Best places to visit in the Carribbean” riba e website renombra smartertravel.com
Taxistanan a expresa cu nan ta contento con e situacion di turista na Aruba ta progresando. Nan ta mira cu tin retonan den e mercado Americano, pero cu e mercado Latino ta uno cu ta creciendo dia pa dia mas. Tambe a expresa palabranan di elogio pa e proyecto di centro di ciudad, uno cu ta sumamente importante pa e taxistanan y cu lo trece mas entrada.
ra.pabill
Ta gobierno di AVP Ola mes a juke 100 permiso mas durante nan ultimo gobernacion, danjando e trabow di e taxistanan. Nos no ta lubida esaki nunca