Sentra a ranca pal’i luz y laga Kudawecha y becindario sin coriente pa varios ora largo
ORANJESTAD(AAN):Wayanan di voltahe halto tabata colga riba caminda di Kudawecha diabierna algo prome cu bahada di solo ora un auto a ranca un palo di luz por completo. Chauffeur masculino di un Nissan Sentra a perde control baha caminda y destrui un palo di luz y bolter banda di veld di Kudawecha. E situacion peligroso a pone Polis cera e caminda mesora pa evita mirones perde nan bida inecesariamente. E chauffeur a resulta levemente herida cu un corta na su pia. Personal di Ambulance a trata e herido na e sitio mes. Personal tecnico di N.V. ELMAR despues di un ora a yega na e sitio y te den oranan lat di anochi e barionan di Sabana Liber, Kudawecha y algun area di Noord a keda den scuridad. Habitantenan a keda hopi disgusta pa e situacion fastioso.
