Home General Tin grupo kier refineria habri y otro kier un desaroyo nobo pa...

Tin grupo kier refineria habri y otro kier un desaroyo nobo pa San Nicolas

1
0
SHARE
- Advertisement -

Parlamentario Lopez Tromp:
ORANJESTAD(AAN):– Drs. Marisol Lopez Tromp, parlamentario independiente, tambe miembro di e comision di Finanza cu a yama un reunion urgente riba e asunto di Valero, ta considera e reunion, cu a tuma lugar den oranan di atardi, uno hopi intensivo. E Parlamentario ta contento cu e reunion aki a tuma lugar, ya cu eyden nan a haya chens di haci nan preguntanan y expresa nan preocupacion den henter e situacion cu e refineria si e ta bay cera of no. Parlamentario Lopez Tromp a probecha pa sigur haci pregunta cu e tabata haya di e ciudadanonan.

E mandatario encarga ing. Mike de Meza, segun e Parlamentario, a duna un splicacion amplio di kico ta andando riba e deliberacionnan. Pero tambe el a duna su punto di bista riba esaki.

 Lopez Tromp a bisa cu di su banda e tabata kier sa riba e parti laboral, y si Gobierno ta sigui cu su backup-plan, y kico ta haciendo pa e contratistanan cu ta perdiendo trabou. Den e mesun e reunion e Parlamentario a trece dilanti e contradiccionnan cu e ta sinti den comunidad caminda un grupo kier pa e refineria habri y otro cu ta bisa cu ta momento pa cuminsa traha riba algo diferente pa e area ey.

Pues no sigui mas cu e refineria, busca un otro desaroyo cu ta bon pa medio ambiente y salud di e pueblo di San Nicolas. Pues puntonan di bista contradictorio cu e y otro coleganan a vocifera. E ta dificil un situacion asina caminda ta pone dos banda den balansa. Un di e preocupacionnan mas grandi ta e trahadornan cu lo bay perde nan trabou tanten cu no tin un solucion definitivo.

Pero e ta keda enfatisa e cantidad di opinionnan cu tin ey for pa cuminsa pensa pa Aruba bay den un otro area di economia pa e area aki. E impresion cu e parlamentario a sali cune for di e reunion aki ta cu e mandatario ta haciendo su maximo esfuerso pa trece un solucion pa loke ta andando awor. E no por bisa cu e ta sinti cu cos ta andando bon of malo na e momentonan aki den e negociacionnan.

“Tur cos ta depende cu ki interes bo ta wak e reunionnan aki. Tin hende tin interes pa yega na un solucion y otronan tin interes pa no yega na un solucion. Nan ta keda sin bin reunion pero ta critica pafor si pero no tey ora mester bay pa scucha di boca di esnan mes cu ta den e deliberacionnan ey,” Lopez Tromp a duna di conoce.

- Advertisement -

DUNA COMENTARIO

Please enter your comment!
Please enter your name here