Diario Online

Tin hopi docente den schaal robez na Aruba

Publication: Thursday, 26 April 2012. Categoria: General

Maroeschka Cornelie:

ORANJESTAD (AAN): E conocido Maroeschka Cornelie, a manda un mensahe pa su coleganan den mundo di enseñanza na Aruba.

  Awe e ta kita mi pechi sindical y mi ta dirigi mi mes na bo persona como colega maestro di school.

Na januari gobierno a institui un comision pa desaroya un sistema salarial nobo di enseñansa.

Un “stuurgroep”,consistiendo di presidente di sindicato di maestro SIMAR, representante di departamento di enseñansa y representante di ministerio di enseñansa tin cu guia proceso.

Diferente accion ya a tuma lugar, entre otro nan a traha riba ‘functiebeschrijving” di tur funcion cu tin den enseñansa. Tur esaki den cooperacion cu representantenan di e directivanan di school.  E  “beschrijving” nan aki mester a bay via e directivanan di school pa e cabesante y/o managernan duna nan opinion y/o comentarionan riba e contenido.

   Aki ta unda e rabo di e porco ta krul. Mi a haci un sondeo pa medio di  pregunta na diferente colega y mi a bin constata cu hopi ta esnan cu no ta na haltura di e desaroyo aki  y no a involucra esnan den klas of cu tin di haci cu e function mes pa duna opinion/ comentario.

   E idea tabata ta pa tur esnan cu ta traha den enseñansa ta na haltura y involucra den e proceso. Ken mihor cu esnan cu ta eherce e funcion pa duna un discripcion di esaki?

   Manera nos tur sa, tin hopi discrepancia den e salarionan den enseñansa. Tin hopi docente den schaal robes. Tin cu ta haci e mesun trabao, cu e mesun estudio y tin salario diferente. Mi a lesa tur e “functiebeschrijving” nan. Mi no por duna remarca ribatur, pero si riba esunnan di enseñansa preparatorio y basico.

Mi colega den e tipo di enseñansa aki, abo a lesa esakinan? Bo ta di acuerdo cu e discripcion duna di nos funcion? Ami no ta completamente di acuerdo.

Un colega cu un posicion clave den enseñansa a harimi ora cu mi a bise’e cu esaki ta e oportunidad pa nos, esnan menos bon paga den enseñansa por subi di schaal of sikiera ricibi un aumento riba nos schaal pa tur loke nos funcion ta encera. Hopi hende ta kere cu school preparatorio y basico ta encera menos trabao of  ta mas “facil” cu otro tipo di enseñansa. Hopi ta kere cu “kleuterschool” ta e “bewaarschool” di antes. Ami personalmente no ta mira e motibo pa cual tin diferencia den pago entre nos di enseñansa basico y esnan di enseñansa secundario. Tur tipo di enseñansa tin su peso, su retonan ,su responsabilidad y experticio. Nos tur ta profesional cu a studia pa nos profecion cu ta riba nivel di HBO. (Den enseñansa preparatorio por tin algun maestro cu MBO, pero nan ta eherce e mesun trabao cu esnan cu HBO).

  Un bon ehempel ta e  exihencianan cu tin pa un maestro di enseñansa preparatorio cu no tin den ningun otro tipo di enseñansa: “Opruiming” di e clas prome cu vakantie, cu TUR alumno presente durante un siman PROME cu vakantie y “opstelling” di e clas DEN VAKANTIE un siman prome cu school habri. Esaki ta sin menciona cu e mester test alumno por ehempel, e vroegrijpheidstest cu ta trabao specifico di un profesional  y no di un kleuterleidster. E motibo? No tin suficiente profesional

  Biniendo back na e punto principal. Informa cerca bo directiva of cabesante tocante restructuracion salarial. Con e ta canando, kico nan ta haciendo. Y wak si di berdad e “functieomschrijving” di bo persona como trahador ta corecto y completo.

Laga nos ta mas conciente di e desaroyonan aki pa e restructuracion salarial culmina den un forma corecto y satisfactorio.