Trahadornan di Parke Nacional Arikok ta contra pa “elimina” cabritonan di eyden
ORANJESTAD (AAN): Puntra cualkier Taxista of Tour Guide di Busnan, cuanto potret un turista ta saca di Cabrito y Buriconan cu ta cana den Parke Nacional Arikok. Trahadornan di Parke Nacional Arikok ta tur disgusta con Parke ta worde maneha, segun a ser revela na prensa. Nan ta bisa cu nan no ta di acuerdo cone asunto di “Cabritonan” ta worde atendi. Segun e Trahadornan, nan ta mira cu e Director di Edad ta un par di luna so mas e tin pa ocupa e puesto ey, y ora cu e bay… e problema ta keda! “Nos cu ta traha den Parke, ta worde mal mira!” Esey ta loke nan ta bisa. Nan ta haya cu mihor e Director bay sigui planta mata den su hardin.
Nan ta insisti, cu e Cabrito- y Buriconan cu ta cana los den Parke, ta un atraccion pa e turistanan. Un “Value-Added” bista pa wowo di nan! Esey ta debi cu ya apenas tin animal bibo den Parke, pues sikiera Cabritonan ta duna un “aspecto di fauna” eyden.
Segun e trahadornan, tambe tin un gastamento di placa pa loco na viahamento y otro cosnan. Nan no sa mes, kico gerencia ta bay haci na isla di Saba pa asunto di Parke. A hasta bay cu un persona nobo den servicio, cu ni a pasa su proeftijd ainda, pero ya a keiro tres biaha caba, siendo cu e no sa mes kico ta un “Totolica”.
Aki hende ta cuminza pensa, cu e lema di Parke PNA ta “Join the Park and See the World”. Pasobra te cu awe, e trahadornan mes no a haya ningun “educacion” a base di e cursonan na monton cu esnan di gerencia a bay tuma den exterior. Pues e “know-how” no ta worde pasa pa esnan mas abao.
Nan ta spera cu Ministro encarga cu Parke, check e asunto pasobra e ta e unico riba cual nan ta depende riba dje. Nan ta spera di por haya un bon Director cu sa di naturaleza y di maneho.
