Home General Biahe di Proyecto Piloto a crea hobennan inspira pa yuda nan comunidad

Biahe di Proyecto Piloto a crea hobennan inspira pa yuda nan comunidad

1
0
SHARE
- Advertisement -

ORANJESTAD(AAN):Diesun hoben di diferente instituto academico na Aruba a wordo scogi pa participa den un proyecto piloto, iniciativa di Prome Minister di Aruba mr. Mike Eman, pa realisa un biahe pa Washington D.C. cu e meta pa cera conoci cu e nacion Mericano, su servicio civico riba cual su fundeshi ta basa. E grupo di hoben a bolbe Aruba entusiasma y inspira pa pone den practica loke cu nan siña y experiencia. Un di e hobennan aki ta Thyson Lopez, kende ta haya e experiencia uno inolvidabel. El a splica cu nan a cera conoci cu e accion civico cu un persona por tuma, y cu no necesariamente tur iniciativa semper mester bini di Gobierno. Boluntarionan tambe por haci un diferencia, via di organisacionnan. Pues aspectonan importante cu por haci door di esunnan den sociedad pa bira un pais igual pa tur hende.
E hobennan tambe a bishita sede di Minister Plenipotenciario na Washington, Sra. Jocelyne Croes. E funcionarionan di Embahada Hulandes a splica tur loke nan ta haci pa yuda crea partnernan pa Madre Patria.

Di su banda, e Minister Plenipotenciario di Aruba ta presenta trabounan pa yuda crea contactonan y traha na interes di Aruba specificamente. A papia di desaroyonan sostenibel pa futuro, cu a impact’e asina hopi cu el a dicidi cu e lo sigui cu su estudio riba “International Sustainable Development” pa yuda crea solucionnan pa problemanan cu tin den comunidad.
E conocemento adkiri na Washington a mustra nan con pa implementa nan conocemento den comunidad, entre otro entrena hobennan pa bira critico, expresa nan opinion, pa sinti mas participacion den comunidad pa crea un cambio.
Vicky Tromp, jeugd consulent di Parlamento Hubenil, tabatin masha palabra di elogio pa e iniciativa di Gobierno di Gabinete Mike Eman. Y ta kere cu mester sigui inverti den hobennan, den enseñanza y proyectonan manera e biahe organisa pa Washington D.C. E funcionario a bisa cu e ta kere masha hopi den hoben, cu nan por tin hopi iniciativa y ta innovativo. “Mi ta masha contento cu e hobennan, principalmente e tres hobennan di Parlamento Hubenil, a haya e chens pa ta den e delegacion. Mi ta sigur cu nan lo haci un diferencia y hiba e conocemento pa nan coleganan y otro hobennan ey ‘fo den comunidad,” e funcionario a bisa.
E programa den cual e hobennan di Aruba a participa, segun Vicky Tromp, ta siña nan tur loke cu tin ey ‘fo, kico ta e conocemento cu nan a adkiri na Merca y trece bek pa Aruba pa comparti cu otronan di nan mesun generacion. “Hobennan por trece cambio pa Aruba,” el a finalisa bisando.
Indira Chang, un di e hobennan cu a participa den e proyecto piloto, a bisa den e presentacion cu “e experiencia tabata unico. Cada un di nos a wordo inspira pa sirbi otro, den cualkier manera y na diferente nivel. Pa bin Aruba bek y sirbi pueblo riba cada un di nos terenonan,” el a bisa.
Na a topa hopi persona durante e biahe aki realisa pa Washington, pero loke a hala su atencion ta cu cada un di e personanan aki tin un vision. Y esaki ta loke su persona como docente lo kier hinca den su studiantenan: si bo tin un vision , bo por crea cosnan bunita., cosnan grandi.

- Advertisement -

DUNA COMENTARIO

Please enter your comment!
Please enter your name here