Home General Bus di salud lo hunga un rol importante den prevencion di malesa...

Bus di salud lo hunga un rol importante den prevencion di malesa na Aruba

8
0
SHARE
- Advertisement -

Minister Richard Visser:
ORANJESTAD (AAN): Den e carera di Dr. Richard Visser el a concentra hopi ariba e tema di prevencion di malesa y particularmente di obesidad y malesanan cronico cu no ta contagioso pa cual obesidad ta hunga un rol como contribuyente. Dr. Visser a efectua diferente investigacion cientifico ariba obesidad y nutricion, e causanan y e consecuencianan. Na Aruba, como tambe internacionalmente Dr. Richard Visser ta worde considera un experto ariba obesidad infantil. Awendia como Minister di Salud y Deporte na Aruba, Dr. Richard Visser ta sigui cu su mision pa motiva y encurasha e prevencion di obesidad y malesanan cronico no-contagioso. Su enfoke ta obesidad infantil y pa provee un bon base pa loke ta nutricion pa e crecemento di e mucha y bon desaroyo di e hoben y adulto.
Un herment den e campaña di prevencion ta e “bus di salud”, cual actualmente ta worde remodela na Van Vliet Trucks na Hulanda. E “bus”aki a worde diseña y tabata worde uza como vehiculo pa consultacionan medico. E ta worde remodela y ekipa cu tur loke ta necesario pa por conduci actividadnan preventivo na Aruba, pa screening den nos barionan uzando e Social Media Medico (e-Medicine) nobo Drimpy.

E “bus di salud” mester keda cla y ta worde transporta pa Aruba na fin di mei y ta worde spera di yega nos isla na tempo pa e conferencia Pan Americano ariba e tema obesidad cu atencion special pa obesidad infantil cu lo tuma luga na juni.

E meta di Minister Richard Visser ta pa motiva cuido propio pa medio di actividadnan di prevencion y promove costumbernan cu ta contribui na un lifestyle saludabel.

E “bus di salud” lo ta ofreciendo su servicionan mas cerca di cas pa un y tur, pasando rond Aruba cu diferente campaña di conscientisacion, motivando nos populacion pa biba un bida mas saludabel.

- Advertisement -

DUNA COMENTARIO

Please enter your comment!
Please enter your name here