Cambio den e diseño di e proyecto Parke di Molina na Urirama
ORANJESTAD (AAN): Como opdracht di Prome Minister, Mike Eman, Vader Piet Beheer NV a bolbe back riba mesa pa mira si no tin otro solucionnan cu por ta posibel pa e diseño di e parke di molina.
E tarea a consisti pa traha un diseño cu lo baha drasticamente e impacto visual cu e parke di Molina lo por tin riba e kapel di Alto Vista y e reduccion di e zonido.
Vader Piet Beheer NV a haya e solucion pa pone e turbinanan di biento mas cerca di otro den e parke. Aunke esaki no ta optimal for di punto di bista di rendimento, pero den nan opinion esaki ta un compromiso aceptabel entre e interesnan economico, religioso y social.
E distancia minimal entre e kapel y e prome turbina di biento a bira 600 meter na luga di 450 meter. E distancia entre e di dos turbina a aumenta di 600 pa 900 meter. E angulo di bista di e kapel riba e parke di molina a reduci di 90 grado pa apenas 25 grado.
E turbinanan di biento awo lo ta ubica na e parti noord oost di e kapel. E bista for di e bankinan tras di e kapel ta den direccion oost y e bista no lo worde afecta mas door di e turbinanan di biento. E zonido lo baha mas cu mita y por lo tanto, di bayna por scucha e turbinanan for di e kapel.
Por lo general e zonido di e turbinanan lo worde tapa door di e zonido di ola y e biento di e vegetacion rond di e kapel.
E diseño nobo aki a worde presenta dilanti obispo y e vicario na Aruba y ambos a bay di acuerdo cu esaki. E proyecto aki lo bay worde presenta na gobierno actualmente.
Nortero
Kier meen, cu nos promer Minister tin algo di bisa anto. Ami a kere cu ta fiesta so e ta hasi. Despensa mi mi bobedad.