Caso di James Murray na Curacao lo sigui dia 6 di September 2012
ORANJESTAD(AAN): Diahuebs den sala di corte superior na Curacao hueznan a trata e caso unda cu lo mester dicidi si James Murray lo sali den libertad condicional.
Huez a duna di conoce cu mester di mas tempo pa studia e diferente rapportnan incluyendo uno sicologico. Ademas e abogado di Murray a haci un peticion pa e caso worde trata na Aruba mes pero esaki a worde nenga.
Dia 6 di September 2012 e caso lo continua na Curacao mes.
Pa dicho fecha James Murray lo mester ta presente sin ningun excepcion. Murray ta sintando un castigo na Aruba pa mas di 30 aña pa asesinato y violacion di un hobencita.
