Castigo condicional di un siman pa maltrato
ORANJESTAD (AAN): Diahuebs Jorge D.C mester a presenta dilanti di huez na corte di husticia, debi na e hecho cu el a worde acusa di intencionalmente maltrata un persona riba 14 y 25 di juni 2011, door di dal e varios biaha cu mokete den cara.
Na prome instancia J.C ni su abogado tabata tey na corte, pero e caso a worde trata.
Despues cu huez a repasa raport di e caso, fiscal a presenta e acusacion y a exigi un castigo condicional di 1 siman.
Huez na final a bay di acuerdo cu exigencia di fiscal.
Net ora cu e caso a termina, e acusado a presenta na corte y e ora ey huez a bise kico e decision tabata den su caso.
