Home General Costonan pa instala 10 molina mas na Vader Piet nifica tambe aumento...

Costonan pa instala 10 molina mas na Vader Piet nifica tambe aumento riba prijs di coriente innecesariamente

2
0
SHARE
- Advertisement -

Luis Oduber di WEB:
ORANJESTAD (AAN): Luis Oduber encarga cu e parti tecnico y investigativo na WEB a hiba palabra den un conferencia cu WEB Aruba NV a yama. El a splica cu WEB a worde acerca pa nan shareholders pa studia e posibilidad tecnico y financiero di duplicacion di e capacidad menciona di parke di molina di biento pa produci energia. Pa logra esaki a acerca dos compania cu ta experto den energia alternativo…. Uno di Europa y uno di Merca a worde acerca. A haci esaki pa haya bista di tur dos experto pa garantisa pa e estudio ta mas completo haci. WEB kier a garantisa e consumo di coriente 100% na e pueblo tur momento. E resultado di estudionan ta cu un di dos parke di molina ta factibel pa Aruba, saliendo for di e punto di bista cu e parke lo worde instala na Urirama, cual tabata opdracht. A haci un estudio y locual WEB mester bay haci ta pa automatisa full nan sistema di generacion di coriente manera e ta actualmente. Enbes di e operadornan ta maneha, controla e energia, e suministro y produccion, tur esey mester worde haci door di sistemanan automatisa. Mester haci un inversion total di alrededor di 40 miyon dollar.

Esey ta encera un transformer na Urirama, un kabel grip connection te na substation na Tanki Leendert di Elmar. E ta inclui automatisacion di e sistema den central, training y tambe cierto cambionan, modificacion riba ekiponan existente pa por opera automaticamente.

Alavez e ta inclui pa por garantisa e suministro di coriente y mantene loke ta yama Lots of Load propability, loke ta un termino hopi tecnico pero basicamente pa garantisa suministro 99.9% di tempo, ta inclui cu mester haci un inversion adicional pa bateria. Luis Oduber a splica cu mester pone un ekipo di bacteria cu ta wanta e load.

Tin diferente pregunta riba e impacto cu e di dos parke di molina lo tin. Si e ta frena un aumento di tarifa mirando e prijs di fuel oil. E asunto di gas ainda no ta algo real. E estudio ta mustra cu si tin gas e di dos proyecto di molina no ta factibel. Un di dos Windpark lo frena un aumento y frena reduccion na momento cu fuel cu lo worde uza sea subi of baha…..

Tin motibonan tecnico pakico no un Parke di Molina na Vader Piet…. Esaki lo significa un fluctuacion den energia lo ta dobel di loke e ta actualmente. Cu esey bisa, actualmente e unidadnan di WEB ta diseña cu por acepta of cu por absorba e eventual frustracion den biento na Vader Piet.

Na momento cu dobel esey, e unidadnan no por bay handle esey. E consecuencia ta cu risiconan lo ta hopi mas grandi cu e ekiponan por sea sufri daño of eventual lo por resulta caida y desconexion den coriente di suministro na pueblo y den eventual den worse case, un black out.

Tin un parti financiero unda e instalacion na Vader Piet ta na su maximo capacidad caba. E kabel y understation ta na su limite. E kabelnan entre e refineria y WEB tambe ta na su maximo. Un cambio pa toch bin cu e ekiponan necesario pa acomoda un parke di molina na Vader Piet nifica mas gasto y cu aumento di tarifa di coriente innecesario.

Tin e situacion di biento tambe….E biento cu ta supla na Urirama no ta similar cu esun na Vader Piet. Dia a construi e prome parke e intencion tabata pa WEB hacie su mes. Door di e inversionnan no por a yega na un prijs rasonabel. Pa e motibo ey a bin cu un independent power producer. E tempo ey a worde mustra cu no tin mas tereno na Vader Piet pa expande…

No por bin mas pazuid pasobra tin cas y terenonan priva y no por sigui bay mas Noord pasobra bo ta yega na costa. E tempo ey WEB a worde bisa cu no tin mas tereno disponibel eynan. No sa si por bay expande mas eynan awor si. E netwerk completo di Vader Piet cu mester a core di Vader Piet pa Zeewijk a costa 14 miyon Florin.

E proyecto ainda no ta cla pa worde ehecuta na Urirama. Ainda e estudio ta worde haci. Ta evaluando cuanto esaki lo costa total pa core henter e infrastructura manera esun na Vader Piet.

- Advertisement -

DUNA COMENTARIO

Please enter your comment!
Please enter your name here