Cu yegada di Hard Rock Hotel casi sigur lo mester importa trahado mirando cu lo no tin suficiente trahado local cu lo a caba school
Rudy Geerman di FTA:
ORANJESTAD (AAN): Den un entrevista cu presidente di FTA, Sr. Rudy Geerman el’a duna su opinion encuanto e binida di Hard Rock Hotel y tambe e consecuencianan cu lo por tin una bes cu esaki habri. El a comenta cu tin algun trahado cu ta desemplea. Hopi di nan ta desemplea pa sectornan, mirando cu e refineria cu ta cera. Na momento cu e refineria habri back, dificilmente e mercado escolar, e muchanan cu ta bay school, por caba school y cuminsa traha pa un otro hotel. Den pasado a yega un momento cu mester busca stabilidad. Tur hende lo kier pa su economia crece pero na mesun momento ta creando empleo pa hendenan di afo. Esey a haci formalmente na cabamento di 80 y cuminsamento di 90. A crea cantidad di empleo cu a worde yena cu hendenan di afo. E tabata tin su parti positivo, danki na esey por a wanta un tiki mas riba fondo di pensioen.
Na momento cu bin cu mas hende ta pone mas presion. Lo ta di mas beneficio si un hotel mester exporta e experiencia den turismo. Esey lo duna mas beneficio a corto y largo plaso cu bolbe trece hotel y pone mas presion riba economia y tambe riba e forsa laboral. Sr.
Geerman ta sigui splica cu e binida di Hard Rock hotel ta decision cu gobierno a tuma. No ta e gobierno aki so, pero esun anterior tambe cu tabata busca manera pa bin cu un hotel eynan. Esaki no a keda discuti cu e sindicato. Por a bay den un otro direccion pa asina no sigui pone presion riba e mercado laboral.
Den e mercado escolar, e muchanan ta bay school lo no por caba school suficiente pa pone tur trahado traha. Esey ta nifica cu mester importa trahado.
Remy Maduro
Pakiko buska trahado di afo ?? Loke ta pasa cu na e dept di labor tin hopi hende cu ta inscribi..pero nan mes NO kier traha esaki, esaya, nan ta exigi y ta floho…pero pa cobra onderstand si nan ta bon….anto bai zundra awo cu ta buska hende di afo…ta nos mes ta buska …..of no ??
Bachi
Potra ta e caso tambe pero Dept di labor di mi banda mi por bisabo cu ta un fake paso mi mes i mi ruman a busca trabaow i nada, gasta gasolin i tempo i despues hanja cara abaow, gewoon pa permiso pa stranhero nan ta procesa trabaow