Home Evenemento Dario Soemers: Interes di atendencia pa e Caribbean Tourism & Security Conference...

Dario Soemers: Interes di atendencia pa e Caribbean Tourism & Security Conference ta hopi grandi

3
0
SHARE
- Advertisement -

ORANJESTAD(AAN):– E conferencia di dia 5 y 6 di Juni proximo, ta un conferencia hopi dinamico. Tin 7 orador, di cual ta 4 dokter cu ta experto den seguridad riba diferente ramo. Tin 1 abogado cu ta experto riba ley internacional di turismo, tin 2 comisario di polis, di cual un di nan ta di Trinidad & Tobago, treciendo asina su experiencianan di Trinidad y ta bin comparti cu Aruba. Di tur e 7 oradornan aki por siña hopi.

Dario Soemers di e Aruba Hospitality & Security Foundation a splica cu e interes ta hopi grandi E speakernan ta expertonan di diferente parti di mundo cu ta docternan den seguridad.

Companianan local cu tin interes grandi pa proteha ta importante pa nan participa. Esaki no ta solamente pa hendenan cu ta traha den sector di seguridad of di turismo. Ta un conferencia interesa pa hendenan cu por traha den companianan grandi manera WEB, ELMAR, SETAR, banconan, companianan cu tin inversionnan grandi y cu tin interesnan grandi pa proteha no solamente nan recursonan pero nan empleadonan tambe. Ta spera alrededor di 100 persona caba. Ta importante pa nan registra mas liher cu ta posibel si tin interes local.. Por busca mas informacion riba website, www.arubasecurityfoundation.org y pa registra mas lihe por yama 7388888.

Akinan Sr. Soemers por duna informacion y tambe registra participantenan local. Ta invita oradornan reconoci den experticio y ta mantene e prijs hopi abao pasobra e meta ta pa mas tanto hende envolvi nan mes den e topico di seguridad pa yuda haci y mantene Aruba un isla hopi safe. Ta pa e motibo ey Sr. Soemers ta kere cu mester probecha tur hende cu tin acceso of tin un forma pa atende e conferencia aki mester haci un esfuerso pa t’ey presente, pasobra no ta haya e caliber di oradornan aki hopi biaha na Aruba.

Dario Soemers a splica cu e programa ta hopi dinamico cu intencion di tene e grupo hunto. Esaki ta inclui e almuerzo y ta wordo teni na Westin Resort. Cu ayudo di diferente instancia por a logra haci e conferencia aki posibel… Ta spera cu den futuro por conta cu diferente instancia mas pa organisacion aki dos aña di e conferencia aki. E casonan cu tin na Aruba hopi ta dirigi riba hobennan cu ta den crimen y mester por yega na solucion pa e tipo di problemanan aki. Ta un hecho cu hopi biaha 80% di criminalidad ta wordo cometi door di 20% di criminalnan y e topiconan cu lo cubri durante e conferencia tambe lo bay toca temanan cu ta interesante pa nos comunidad. Tin experto cu lo splica con un gang ta funciona di paden y con pa atende cu nan… Tin otro experto, cu ta un comisario di polis cu ta bin papia riba gang specifico y tambe riba seguridad di eventonan grandi. E tipo di eventonan aki mester tin atencion specifico di siguridad. Esey ta algun di e topiconan cu ta wordo trata durante e conferencia aki. E kehonan cu nan ta hayando den area hotelero ta drenta constant y mester bira un punto di preocupacion. No ta solamente evita criminalidad pero tambe zonido cu ta stroba e trankilidad di esnan cu ta bin sosega como turista. Pa gobierno esaki tambe mester bira un punto di preocupacion pa mira con ta deal cun’e. Tin hende cu ta paga asina hopi placa, pero no por drumi pasobra e zonido ta stroba. E topico di aña pasa segun Dario Soemers ta keda wordo atendi despues tambe.. Ora pone un conferencia asina aki hunto ta haci’e a base di cosnan cu den perspectiva di e fundacion cu ta hunga un rol den comunidad. Constant ta keda cambia speakers y trece speakers di diferente region… Esaki ta un di e motibonan pakico ta organisa e conferencia aki.

Di parti di polis tin por lo menos 50 participante den diferente rango, considerando e nivel di e speakernan cu ta bin Aruba, esaki pa e fundacion, ta un parti di e meta. Pa trece informacion pa entre otro Cuerpo Policial y otro curpanan di siguridad, companianan grandi cu tin siguridad na Pecho cu nan por siña di e hendenan cu ta bin Aruba.

- Advertisement -

DUNA COMENTARIO

Please enter your comment!
Please enter your name here