Home Evenemento DI DOS CONFERENCIA PAN AMERICANO RIBA OBESIDAD NA ARUBA

DI DOS CONFERENCIA PAN AMERICANO RIBA OBESIDAD NA ARUBA

1
0
SHARE
- Advertisement -

Expertonan di salud for di 20 pais lo t’ey pa atende curso, tayer y conferencia

 

ORANJESTAD(AAN):– Entre dianan 11 pa 16 di juni proximo lo tuma luga e di dos conferencia di PACO, cu ta para pa Pan American Conference on Obesity, den Westin resort. Aña pasa un total di 22 pais a participa mientras cu e aña aki ya 20 pais a confirma nan participacion na e conferencia cu lo inclui varios charla, tayer y reunionnan individual.

 

Mester bisa cu aña pasa tur e paisnan participante a firma e “Aruba Call to Action” cu a yega te na Nacionnan Uni como “Metanan di Milenio”. E metanan aki a bay full rond di mundo pa e siguiente decada specificamente den e area di malesanan cronico, manera ta obesidad di mucha.

 

E enfoke e aña aki lo ta atrobe “Obesidad di mucha” pasobra Nacionnan Uni ta mira esaki como un problema di desaroyo pa paisnan. Tur e hefenan di estado a cuminsa cambia nan maneho riba tur area cu tin di haber cu esaki, pues no solamente salubridad publico pero tambe transporte, etc.

 

Efectonan economico di un pais pisa, esta cu un problema di obesidad, ta mara na retonan di desaroyo, di salud, di produccion laboral y hasta di educacion! Durante e charlanan lo repasa e retonan aki tambe, sperando cu paisnan lo sa di atende cu e retonan den forma di prevencion di obesidad.Aki na Aruba, Minister Dr. Richard Visser lo probecha e reunionnan di PACO pa lansa “IBISA” (Instituto pa Biba Saludabel y Activo) cu ta un departamento cu lo traha riba prevencion di malesanan cronico, IDEFRE y algun departamento di prevencion y promocion di salubridad publico cu tur lo bay resorta eybou.

 

Pues IBISA lo no enfoca solamente riba movecion, pero tambe lo dedica na prevencion den nos salud. Muchanan tin un enfoke special den IBISA. Minister Dr. Richard Visser orguyosamente a anuncia cu ya caba ta trahando riba varios proyecto manera ta “Scol Saludabel”, “Ciclovia”, programanan di television, na radio, programa cu e hotelnan, “food labeling” y asina por sigui menciona proyectonan cu lo resorta bou di IBISA. Specialmente pa por demostra nan compromiso serio den prevencion di biba un bida mas saludabel, IBISA lo inaugura su “bus di salud” dentro di masha poco.

 

Ta trata aki di un bus cu un clinica den dje, cu por haci “body scanning”, investigacion di sanger, screening di obesidad, cu lo move tur rond di nos isla.PACO sin duda lo trece e top dokternan y expertonan di salud for di e region aki pa nos isla y sin duda nos propio dokter y expertonan local tambe lo tin un oportunidad pa cera conoci cu lo ultimo den e formanan pa atende cu malesanan cronico.

 

Lo enfoca hopi riba prevencion y den esey lo probecha e presencia di algun invitado di hopi peso, manera di World Health Organisation, di Pan American Health Organisation, CEPAL, FAO, PAHEF, Caricom, un total di 10 universidad di Merca lo ta presenta, 25 dokter di ciencia y mas di 20 diferente pais cu lo t’ey na e evento pa por duna charla y  tayer riba e temanan interesante aki. Na tur lo duna 2 curso durante e siman aki y 6 diferente tayer.

 

Esaki ta specialmente pa nos propio expertonan, pa cual tin espacio pa no menos di 200 participante. Tur esunnan interesa por inscribi mesora via e website www.paco.aw.

- Advertisement -

DUNA COMENTARIO

Please enter your comment!
Please enter your name here