Home Evenemento Diabierna anochi actividad di Fundacion Lanta Papiamento na IPA

Diabierna anochi actividad di Fundacion Lanta Papiamento na IPA

0
0
SHARE
- Advertisement -

ORANJESTAD(AAN): Fundacion Lanta Papiamento a worde lanta na Mei 2009 y awe ya caba ta celebrando 3 aña. Den entrevista cu Ramon Todd Dandare el a splica un tiki riba e meta pa lanta e fundacion. E mes ta docente na IPA encuanto papiamento.

   El a splica cu e fundacion Lanta Papiamento a worde lanta pasobra a ripara cu nos papiamento no ta hayando e reconocimento cerca nos mesun hendenan. E lucha ta worde hiba a base di loke UNESCO mes ta boga pe unda nos studiantenan por haya les den nan propio idioma.

  Diabierna awor pa 7or y 30 tin un otro actividad y esaki lo ta un anochi encuanto palabranan na papiamento y e mes lo hiba palabra. Na IPA esaki ta y lo duna reconocimento na dos persona. Fundacion Lanta Papiamento a tuma nota cu e pueblo ta interesa den Papiamento. Ramon Todd Dandare a splica cu na diferente lugar na Aruba ta tene intercambionan.

   Fundacion Lanta Papiamento ta contento cu e actividadnan cu nan ta tene. Ta importante pa tur hende sa cu mester para y reconoce nos lenguahe. – Nos ta stima nos idioma papiamento.

   A mustra Ramon Todd Dandare cu asina mes papiamento ta un idioma cu den exterior e hobennan no por bay cune den exterior ora di bay studia. Papiamento den ensejanza no nifica cu lo no sinja otro idioma mas. E experto den papiamento a splica y comenta tambe riba e dunamento di les na school cu lamentablemente ainda ta na hulandes. Un mucha lo ta mas comodo na school sinjando na su propio idioma. Tin algun cos importante cu mester cambia na Aruba y cu ta dirigi e didacta di hulandes.

   E muchanan no ta bin cu hulandes for di cas pero e papiamento. No ta cuestion di kita Hulandes for di school pero mester cambia con pa sinja e sistema con pa sinja e muchanan hulandes. Hulandes y Papiamento ta oficial pero papiamento ta esun materno. Ta spera tur hende diabierna anochi 7or y 30 pa e actividad cu nan tin na IPA.

- Advertisement -

DUNA COMENTARIO

Please enter your comment!
Please enter your name here