Diamars awor Husticia Peruano ta cuminza proceso relaciona cu extradicion di Joran Van der Sloot
ORANJESTAD (AAN): Diamars awor 8 di Mei e husticia Peruano lo tuma un decision riba si Joran Van der Sloot lo por worde extradita pa Merca.
E husticia peruano lo revisa e información pa decidi si e asesino confeso di Stephany Flores y sospechoso di e morto di Natalee Holloway mester worde extradita y huzga pa e tribunalnan mericano.
E abogado di Joran Vander Sloot a laga sa cu su strategia legal lo busca obtene beneficionan mayor pa su cliente. “Tarde o temprano procederá la extradición”, a bisa den un entrevista na e prensa peruano.
Despues di e proceso aki, e conseho di ministronan di Peru lo mester dicidi si ta acepta of rechaza e solicitud di extradicion despues di haya e caso for di man di e corte supremo.
