Diaranzon lo desvia ruta for di Havenstraat pa ponemento di prome betonlaag pa e tram
ORANJESTAD(AAN): DOW y polis a yama un conferencia di prensa pa anuncia cambio di ruta den centro di ciudad pa mañan. Lo bay cera Havenstraat net banda di Kazernestraat y Wilhelminastraat. E crusada lo bay worde cera. Lo bay cuminsa coba pa e railnan caminda lo bay pone e prome betonlaag di e tram cu lo core den futuro cu ta bay core eynan. E trafico cu ta pasa den Wilhelminastraat mester desvia. E trafico cu ta biniendo for di Wilhelminastraat lo bay drenta den Kazernestraat y lo sigui den Schelpstraat. Esun cu ta bin for di Emmastraat, lo drenta Kazernestraat y lo sigui pa Klipstraat. E trabao lo dura cuater siman pero asina mes lo purba cab’e trempan dependiendo kico topa cu lo tin cu soluciona al momento.
Tin cosnan cu ta topa cun’e y cu tin biaha ta causa retraso. Ing. Jossy Kock lider di proyecto na DOW a splica mas di e trabaonan cu ta andando. Ta bay tin e railnan di tram solamente. A yega asina leu cu a concentra riba Havenstraat. Ora cu caba cun’e, lo bay tin mester di cera Schelpstraat. Esakinan ta e puntonan di mas largo cu ta keda den e trayectoria prome cu sigui. Tin e parti den caya cla cu e prome layer di beton. Banda di exDOW tambe ta trahando na unda cu tin 50% di e layernan di beton poni caba.
A keda awor aki Havenstraat y Schelpstraat. A cuminsa cu Havenstraat prome, djey lo switch over pa Schelpstraat. Ora cu keda cla den Havenstraat lo yena e buraco back cu material y pone un asfalt temporalmente caminda cu por habri Havenstraat back y despues lo concentra riba Schelpstraat. Ora cu keda cla cu Schelpstraat, lo bay concentra den e parti caminda cu lo drenta APA. Despues caminda lo bay bin e loop pa e tram haci eynan, e ora ey ta practicamente cla cu e prome layer di beton.
A puntra ing. Jossy Kock si nan no tin mapa di e area cu por duna un bista di loke tin ta core bao tera? Hopi tempo pasa no tabata tin MAPA….Awor tin algun aña trahando cu Mapa…
Tin cosnan hopi bieu cu no tin mapa di nan. Antes ora cu nan tabata pone cosnan bao di tera, no a worde poni riba mapa, segun ing. Kock. Despues a ponenan riba mapa, caminda e informacion ey a worde acumula. Loke no tin ta loke tin hopi bieu bay di tera. Conociendo e area y mirando cu ta traha gran parti den e area caba, ta verwacht cu lo bay tin obstaculonan cu no lo tan a altura di dje.
