Home Evenemento Diasabra otro siman tin caminata di Traimerdia

Diasabra otro siman tin caminata di Traimerdia

3
0
SHARE
- Advertisement -

ORANJESTAD (AAN): Traimerdia ta cuida y guia muchanan cu ta bay school preparatorio, basico y special despues di oranan di school. E muchanan ta ricibi un acogida professional di e tanchinan cu ta guia nan den na desaroyo.

   E muchanan ta haya guia den trahamento di huiswerk y stimulacion di siñamento y ta ofrece nan actividadnan riba tereno di musica, baile, drama, pintamento, obra di man, deporte y recreacion.


  Traimerdia ta cumpli e aña aki 15 aña y ta celebra esaki entre otro cu un caminata, cu yama “Funwalk di Traimerdia”.
   E muchanan y e lidernan di Traimerdia ta invita henter pueblo di Aruba pa participa na e caminata. Bin pa nos celebra y cana hunto cu nos.

   E caminata lo ta Diasabra 2 di juni 2012, saliendo di Colegio San Hose na Santa Cruz, pa 5’or di atardi.  Lo cobra 5 Florin pa esaki.

   E ruta di e caminata ta mas o menos 5.4 km y ta sali for di Colegio San Hose na Sta Cruz. Ta pasa un parti den Sta. Cruz y via Macuarima, Yucuri, Mahuma, Sta. Martha y Papilon ta termina na Colegio San Hose. Lo tin un ruta alternativa cu ta un tiki mas cortico. Esaki special pa e muchanan mas chikito y pa esnan cu kier cana un tiki menos.

   Na final di nos caminata nos lo rifa hopi premionan tremendo.
   Por cumpra carchi na tur e centronan di Traimerdia y na Bureau Traimerdia, tambe Traimerdia San Nicolas (Com. Pieter Boer Basisschool), Traimerdia Sabana Basora (Scol Preparatorio Sabana Basora), Traimerdia Santa Cruz (Colegio San Hose).

   Tambe na Traimerdia Paradera (Maria Goretti College), Traimerdia Sonrisa (Pavia), Traimerdia Noord (Scol Basico Washington), Traimerdia Kudawecha (Scol Basico Kudawecha), Traimerdia Oranjestad (St. Franciscus College), Traimerdia Morgenster (Colegio Conrado Coronel Basisschool), y Bureau Traimerdia (Belgiëstraat 2).

   Tambe por cumpra carchi riba e dia di e caminata: for di 4 or na Colegio San Hose.

- Advertisement -

DUNA COMENTARIO

Please enter your comment!
Please enter your name here