Director di ELMAR mester bay pasobra e no ta respeta ningun hende
ORANJESTAD (AAN): Sindicato di empleadonan
di ELMAR ta sumamente disgusta cu e actuación
di director di ELMAR Robert Henriquez.
Principalmente pasobra e ehecutivo ta
kere cu door cu e ta director e tin tur
poder, inclusive di pone un decisión di
Corte un banda y poniendo cara di
Gobierno na berguensa.
Presidente di e sindicato UEA a ilustra
e situación di un empleado di e compania
cu a haya un accidente na trabao y te dia
di awe e director no por tuma un decisión
riba tratamento pa e empleado.
Geerman a mustra cu e empleado en cuestión tempo cu el a haya accidente, Prome Minister Eman a ordena pa haci tramitenan pa e hombre bay Merca rápido pa tratamento.
Te awe ta dialoga. “Dialoga ta bon pero no por dialoga un aña y 4 luna pa e homber aki worde manda Merca,” e ta bisa. E obheccion ta cu Merca ta demasiado caro. Sindicato a bisa pa mande Colombia. Y tur esaki a tuma asina hopi tempo, pesey nan no ta kere mas den dialogo cu e director. “E no a respeta Minister, Mediador, staff ni Huez. Unda nos ta bay. Mester yega un fin na e cosnan aki,” Geerman a bisa.
Tin otro caso cu empleadonan a gana den Corte y ainda e director no kier ehecuta e decisión manera e ta. Y a yega dje leu ey cu pa prome biaha beslag a worde poni riba e compania.
E sindicalista ta haya cu e director mester saca su conclusión y tuma su retiro. “E ta un mal maneho di añas,” el a enfatisa. Y a mustra cu a pidi pa sinta na mesa pa discuti con ta bay realisa e pago, pero e director ta cabes duro y no kier yega na un acuerdo.
RG
Mi no conoce e director di Elmar.
Pero un hend ecu pidi celebro lo pensa bon prome cu tuma un decision cu lo tin efecto financiero cu na final ta e pueblo lo paga pe. Y esey ta locual e PUEBLO aki ta hasi caba Sr.Geerman y e PUEBLO no tin BONUS ny DERTIENDE MAAND obeso Sr.Geerman.