Home General Edificionan di Imigracion na Barcadera y Crusero na Playa den mal condicion...

Edificionan di Imigracion na Barcadera y Crusero na Playa den mal condicion y ubicacion

3
0
SHARE
- Advertisement -

Rene Bernabela di TOPA:
ORANJSTD (AAN): Recientemente sindicato T.O.P.A. ariba peticion di nan miembronan a bai tira un bista ariba na e dos postnan di zeehaven di Inmigracion esta na Barcadera y tambe na e Crusero na Playa. Esaki ta unda e oficialnan di imigracion tin cu traha tur dia, y aki ta na unda cu a bin constata cu e edificionan aki ta den mal condicion y mal situa. Segun TOPA, e edificionan aki ta parse cu a wordo construi for di añanan 1970 y nunca esakinan a wordo manteni adecuadamente. Sindicato T.O.P.A. a tuma nota cu e edificionan aki ta hopi cerca cu lama y cu e concentracion di saltpeter ta hopi halto y cu ta hasi cu e edificionan ta den un estado basta avansa di ta deteriorando. No mucho tempo pasa T.O.P.A. por a constata cu e mesun problema aki cu ta afectando K.I.A. na e momento aki y te ainda no tin un solucion pa cu esaki. Locual ta paden di e edificionan aki e oficialnan di polis y imigracion no por move rond adecuadamente y pa no papia mes ariba un condicion di seguridad deficiente cu ta existi pa cu e edificionan aki.
Pa locual e ta ubicacion di e oficina di polis y imigracion esaki ta situa den posicion no- adecuado y sumamente malo y peligroso, mirando e hecho cu e edificio a wordo construi lomba pa lama y no cara pa lama dus logicamente no tin un bon bista adecuado for di e oficinanan ariba full e ” KADE “cu ta hopi grandi. Tambe locual e trahadornan ta trece nan preocupacion dilanti ta cu specialmente durante oranan di anochi of marduga no tin suficiente visibilidad ariba full e tereno na Baracadera y tampoco ariba lama.

Cuerponan di seguridad di polis y imigracion na Barcadera na mas cu un ocacion a pidi pa haya monitors y cameranan instala na lugarnan estrategico pa asina tin un mihor control for di paden di oficina ariba, specialmente esnan cu ta bin cu boto stranhero o sea di Colombia of Venezuela of otro nacionalidad y cu ta frecuenta den oranan laat di anochi na pia ariba tereno di A.P.A..

Atrobe trahadornan ta reclamando cu nan no tin ningun sorto di seguridad y protecion pa locual na edificio y tambe visibilidad den oranan di anochi na Barcadera. Pesey sindicato T.O.P.A. a dirigi un carta na Minister di finansas sr. De Meza pa asina por haya un reunion cu su persona y conhuntamente tambe e director di APA pa asina den un termino corto kico por ser hasi pa cu e situacion aki y pa asina hisa e control y vigilancia na waf na Barcadera pa cu esnan cu ta bini di pafor cu boto.

- Advertisement -

DUNA COMENTARIO

Please enter your comment!
Please enter your name here