Home General Elmar tin cu paga un total di 1.8 miyon florin minimo na...

Elmar tin cu paga un total di 1.8 miyon florin minimo na aumento di salario

1
0
SHARE
- Advertisement -

Data for di 2006 na 40 miembro di staf na NV Elmar
ORANJESTAD(AAN): DIARIO a combersa cu director di Elmar, Sr. Robert Henriquez. A presenta un situacion diaranzon merdia. E staf a sinti cu pa falta di oido nan kier a sinta cu gerencia y a dicidi cu nan no ta drenta trabao. Mediador a cay aden. Sr. Henriquez a menciona cu tabata tin discusion over di e diferencia di opinion riba loke a calcula pa nan den nan salario. A splica e staf, apesar cu na no tabata contento cu e splicacion y consecuentemente a dicidi pa trai merdia pidi un reunion. Sr. Henriquez no tabata por y a bin ripara a lo largo cu nan a pone nan trabao abao pa reuni cu e director. A reuni finalmente riba peticion di mediador pa 4’or di atardi pa papia cu otro y pa mira kico ta e diferencia di opinion. staf y gerencia tabata diferencia di opinion.
Hunto cu mediador a purba di yega toch na otro y na final e trahadonan a bin bek nan trabao y haci nan trabao manera semper nan ta haci. Gerencia tin un punto di salida e ora pa nan reuni otro siman pa wak con ta sigui.

Elmar a paga caba 1 miyon, e diferencia a haci un calculacion despues cu nan a reuni. Lo bay ta sigur por lo menos 800.000 un biaha mas. E total bedrag ta 1.8 miyon minimo. Lo mester haci algun calculacion ainda di parti di Pensioen Fonds, kico ta e contribucion. Por wel di end up den kisas di un tiki menos cu 2 miyon pa paga loke hues a duna como vonnis desde 2006 pa awor aki. Esaki ta un derecho, segun Sr. Henriquez, cu nan a hereda, cu si nan mester sigui cu e beleid semper cu a wordo impone pa basta aña caba.

Te cu 2005/2006, director e tempo ey a purba di trece un cambio den dje. A tarda por lo menos 4 aña y 9 luna prome cu a vocifera cu nan no ta contento cu e cambio ey y nan no ta bay di acuerdo cun’e. A trece esaki dilanti. E cambio tur es tempo a wordo treci dilanti cu no por sigui den e direccion aki cu compania Elmar a trek e recht, cu a costa nan por lo menos 1.8 miyon. Esey ta nifica cu ta un aumento den salario. Tur aña lo bin un aumento di mas of menos 1 miyon. Tin un bon acuerdo cu otro caminda nan a pone un punto tras di e dilema aki. Akinan tambe ta dicidi con ta sigui dilanti.

Sr. Anselmo Pontilius a hunga un rol hopi grandi den esey. Nan a reconoce cu no por sigui den direccion aki. Na final a vocifera esaki ki ora maneho por cambia e direccion di un compania. No ta asina cu ta yega te final cu Elmar ta un compania te na 0, cu lo dicidi cambi’e. Tin cu cambi’e na e momento aki. Ta dunando e trend ey caba. Tin cu wak tur aña e ganashinan bao di e liña netto, cu ta cayendo drasticamente. Ta papiando aki di 16 miyon, cu a cay na 12 miyon, y awor aki na 8. Si sigui den e direccion aki, aki 2 aña kisas of menos lo baha mas ainda y no ta mucho pa yega te na 2 of 1 miyon. E direccion ey mester cambia.

Gerencia ta kere cu e principio ey tur hende ta bay di acuerdo cun’e. Pone tur cos riba un compas y haci un bon afspraak pa futuro. Tin cu bay busca un aprobacion ainda pa loke ta e deliberacionnan di e reunion. A trece esaki bon cla ainda na e staf. Sigur prome punto di trabao ta pa yama e hendenan responsabel cu tin cu yuda e director tuma e decision aki, conhuntamente pa dicidi con e cos aki lo bay sinta.

Sr. Henriquez tin cu bay sinta splica detayadamente pa wak con pa sigui verder. Comisario y accionistanan a wordo poni na altura di esaki.

- Advertisement -

DUNA COMENTARIO

Please enter your comment!
Please enter your name here