Home General Embahadornan hoben a capta e esencia di loke Washington ta nifica

Embahadornan hoben a capta e esencia di loke Washington ta nifica

1
0
SHARE
- Advertisement -

Segun Prome ministro Eman:
ORANJESTAD(AAN):- Hopi inspira y entusiasma por a sinti e grupo di 11 hoben cu a biaha recientemente pa Washington D.C. pa cera conoci cu e sistema di maneho di gobernacion Americano y con e nacion a wordo funda. E biahe ta parti di un proyecto piloto yama, Young Ambassadors, cu tabata un idea di Prome Minister di Aruba mr. Mike Eman, y cu a wordo ehecuta door di Universidad di Aruba hunto cu otro organisacionnan educacional y sponsornan. E meta central pa dicho biahe ta: con cada un di e hobennan aki por sirbi nan pais di e miho forma. E grupo aki tabata consisti di hobennan di Universidad di Aruba, IPA y Parlamento Hubenil. Diaranson anochi Prome Minister Eman cu orguyo a sinta scucha no solamente e presentacion di e biahe pero tambe e experiencia personal di cada un di e hobennan cu a participa.

“Hopi impresionante,” tabata e prome palabra di Prome Minister Eman na final di e presentacion. E mandatario a splica cu e motibo pa traha riba e proyecto aki tabata su mesun experiencia na Washington tanto na hoben como despues ora cu e tabata activo politicamente.

“Ciudad di Washington ta respira un ambiente di responsabilidad civico.”Y a referi na e monumentonan, Capitol Hill, Cas Blanco, di reconocemento di historia y meta di e pais cu ta inspira pa sirbi bo pais. “E tin algo specifico y special di ‘mi kier haci un diferencia pa mi pais. Mi kier duna mi talentonan, no na mi propio desaroyo sino di mi pais y di mi prohimo.’”

E speransa di Prome Minister Eman na momento di bini cu a iniciativa aki tabata pa duna e studiantenan e oportunidad pa bishita Washington, ta cu e puntonan ariba menciona lo impresiona y influencianan engrandeciendo asina nan experiencia educacional, personal y profesional.

Pero na e ciudad tin asina hopi cos, cu nunca bo por ta sigur cu nan lo capta e mensahe. Pesey tambe ora cu e presentacion a wordo duna, a constata cu banda di tur informacion haya, nan a capta e esencia di loke Washington ta nifica, esta e pensamento di: “Ami kier haci un diferencia”.

Pesey e Prome Mandatario den presencia di e hobennan, a bisa “mi no por ta mas contento di loke nan a presenta awe. Washington a logra inspira e hobennan.” Premier Eman a keda asina impresiona cu loke e hobennan aki a capta den nan biahe y e presentacion cu nan a duna, cu e ta sigur cu Aruba tin 11 posibel candidato pa Prome Minister den futuro.

E proyecto a conta cu cooperacion di sector priva pa carga cu e gastonan di pasashi y pa inscribi na e programa na Washington D.C. Den futuro lo mester bay mira con Gobierno lo por aloca e fondonan necesario, of carga e gastonan parcialmente. Cu e programa tin cu sigui ta un hecho, despues di e presentacion impresionante cu e hobennan a duna.

- Advertisement -

DUNA COMENTARIO

Please enter your comment!
Please enter your name here