Home Cultura Eric Tchong lo ta firmando buki na Van Dorp

Eric Tchong lo ta firmando buki na Van Dorp

0
0
SHARE
- Advertisement -

ORANJESTAD (AAN): Eric Franciscus Tchong a nace na Aruba 3 di Oktober 1941. Cu su 10 aña el a bay Hulanda, na unda el a caba su lagere school na Oudenbosch, su Mulo na Rotterdam y Kweekschool na Nijmegen. Na Rotterdam el a sigui lesnan priva di piano y despues a bay tambe muziekschool na Rotterdam.

   Durante su añanan di estudio na Nijmegen el a forma parti di e orkesta Arubano “Tropical Serenaders” como bahista.  Eric ta un autodidactico riba guitara clasico. Na 1965 Eric a regresa Aruba unda el a dedica 31 aña na formacion y educacion di nos hobennan.

   Na 1966 el a bira docente di guitara clasico na Arubaanse Muziekschool. Despues el a duna les tambe di orgel, piano cuarta y mandolin. Durante e periodo cu el a duna les di guitara na Zuster William van Leeuwen,o.p, el a specialisa su mes mas riba composicionnan religioso. Su prome 3 misanan Arubiano ta data di e periodo aki.

  Sr. Eric Tchong lo ta na Van Dorp Dakota Diasabra dia 26 di Mei, di 11.00 a.m – 1.00 p.m, pa introduce su buki nobo”Musical Pearls from Aruba, Bonaire and Curacao” y firma esaki pa esnan interesa.

- Advertisement -

DUNA COMENTARIO

Please enter your comment!
Please enter your name here