Home General Expresion di opinion cu libertad di prensa tin su limite

Expresion di opinion cu libertad di prensa tin su limite

0
0
SHARE
- Advertisement -

Minister Mike de Meza:
ORANJESTAD(AAN):Diaranson a tuma lugar e caso entre Minister Mike de Meza y director di e medionan di comunicacion Top FM, Solo di Pueblo, Canal 22 y Boletin Extra, esta Sr. Edmond Croes. Di un banda, por a scucha Sr. Croes comenta cu el’a gana e caso. Den un entrevista nobo cu Minister de Meza, el a comenta cu di locual el’a worde informa y tin cu bisa cu como Minister, e ta sumamente druk y door di tur e reunionnan cu tabata tin e mesun mainta, te laat, no a alcansa di haya tempo ni pa lesa e veredicto, ni pa papia cu e abogado. Di loke Minister de Meza a compronde cu hues a declara e proceso aki niet ontvankelijk. Na momento cu hues den e tiki cu e sa di ley, bisa cu algo ta niet ontvankelijk kiermen cu hues no a tuma un decision riba e contenido cu a worde presenta. Hues ta analisa a base di e leynan cu tin na su disposicion y interpretacion cu e ta haci, el’a tuma e decision di bisa cu a base di esey, e proceso aki ta niet ontvankelijk, kiermen cu mester cana un otro proceso legal pa trata cu e contenido di e discusion aki.
Tin cu busca un otro rechtsingang pa por trata e contenido, segun Minister de Meza. Pa esey lo e mester papia cu e specialista cu ta e abogado di dje pa mira con ta e rechtsingang cu tin cu cana, kico ta e proceso pa sigui cu esaki pa haya un decision di hues, si ta permisibel cu e medio di comunicacion ta haci si of no.

Manera el’a bisa, sigur e a respeta opinion di tur hende y ta respeta e libertad di prensa pero expresion di opinion cu libertad di prensa tambe tin un limite y esaki ta worde ancra tambe den tratadonan internacional como e derecho di cada persona na mundo tin derecho y bo derecho di expresa libremente y tambe expresion di libertad di prensa tin su libertad, pero e tin su obligacionnan tambe y na momento cu e cuminsa trapa riba un derecho di un persona, eynan ta caminda e limite ta core pa cu libertad di prensa y tambe pa libertad di expresion di opinion.

Aki ta mira cu personanan ta bay riba un nivel sumamente baho den direccion di personanan ciudadano di Aruba, pero tambe den direccion di parlamentario y gobernantenan. Ta kere cu ta un falta di respet e manera y e direccion cu ta tumando luga particularmente den medionan di comunicacion Solo di Pueblo, di Top FM y Canal 22.

Na cierto momento nos lo cana e caminda di ley pa para esaki pasobra como gobernante bo no ta acepta cu como pais bo ta decai den un forma asina baho cu esaki ta e tipo di practicanan cu nos ta bay tin pa awo, pa futuro. Pasobra si ta e direccion aki nos ta bay como un pais cu ta considera su mes progresa cu ta un estado di derecho democratico, mi ta kere cu como gobernante tambe nos tin cu percura cu nos como gobernante pero tambe pueblo en general wanta su mes na e limitenan di ley caminda nos ta keda fatsoenlijk.

Si ta e direccion ey e sistema legal di Aruba ta duna espacio pa bay anto e ora nos tin cu coregi e regla y e leynan aki pa limita esaki pasobra despues di esaki ta un caminda bo ta bay cu mi ta sigur ningun di nos no kier bay e caminda ey, anto e ta bira un wild wild west cu tur su consecuencianan cu e ta trece cun’e, ta p’esey nos grandinan no a awor aki, pero anteriormente a bin cu leynan pa garantisa cu tin e fatsoen aki den comunidad.

Anto caminda personanan ta pasa e limitenan ey, tin cu paranan. Nos ta paranan riba e manera di fatsoen tambe, bay corte, laga hues dicta. Si hues bisa e caminda aki cu bo ta cana ta niet ontvankeljk, e no por bin na un veredicto, bo tin cu cana un otro proceso. Pero nos ta bay para e tipo di comportacionnan aki cu no ta pas den e sociedad aki. Minister sigur no ta bay riba e nivel ey, segun Minister de Meza.

- Advertisement -

DUNA COMENTARIO

Please enter your comment!
Please enter your name here