Home Estilo Famoso diseñador Canades usando Aruba pa su campaña global

Famoso diseñador Canades usando Aruba pa su campaña global

1
0
SHARE
- Advertisement -

Full nan crew y modelonan a yega!

ORANJESTAD (AAN): E spotlight di moda ta sigui briya riba Caribe.  E bon noticia, ta cu e mundialmente famoso diseñador Canades Reyhan Sofraci a escoge Aruba, pa ta forma parti di nan campaña global di 2013.

   E linea di “Aqua di Lara”, a yega Aruba cu nan crew, propio modelonan, pa cuminza traha riba e proyecto aki.  Reyhan Sofraci ta cla pa luci cu e luhoso trahenan di baño, y lo haci esey dilanti su fotografonan y crew di produccion di video.

   E modelonan Samantha Ahrens y Elise ta na Aruba pa asina captura imagennan excepcional pa promove esaki na Merca, Canada, Inglatera y mas.

   Renaissance Aruba Resort & Casino ta e anfitrion, y nan estadia ta worde sosteni tambe door di Absolut Vodka y Red Diamond Wine di Pepia Est. di Aruba.

   Riba potretnan por mira mas di yegada di e crew di Aqua di Lara.

   Nan lo graba y crea nan Catalog 2013 aki.  Esaki riba su mes lo bay duna Aruba un exposure global grandi.  Ya caba e linea di trahe di baño aki ta haya cobertura extenso den canalnan internacional di promocion.  E catalognan mes ta worde manda pa cumpradornan rond mundo, y e compania tin un lista extenso di contactonan di industria.  E website di Aqua di Lara tambe lo cubri e Aruba-connection aki.

- Advertisement -

DUNA COMENTARIO

Please enter your comment!
Please enter your name here