Fly Aruba dos luna sin paga trahador
ORANJESTAD(AAN): No ta un luna pero dos luna caba cu e trahadornan di e compania di aviacion Fly Aruba no ta haya nan placa di luna. E compania aki lo bira uno local y te hasta tin un avion grandi Airbus A320, para na e parti zuid di e aeropuerto desde September 2011.
Tin ta haya te hasta cu e avion ta mas bien stroba e parkeo pa avionnan chikito. E momento aki parce cu e compania tin 100 of mas trahador den un training total. Aki ta hendenan den training como piloto, tambe stewardess y otro funcionnan den e futuro aerolinea.
Sigur tin alrededor di 40 stewardess of mas entre e empleadonan. E doñonan a draai e empleadonan den tur forma caba dos luna largo. E luna di Maart nan no a cobra y awor fin di April nan ta keto bay wardando.
Cada biaha tin un excusa cu e placa ta biniendo of e deposit ta kedando cla pero mientrastanto dos luna a pasa.
E mesun grupo aki ta esun di Arevenca y segun fuentenan e trahadornan di Arevenca tampoco a cobra nan placa. Tabata papia cu tin hendenan poderoso tras di e aerolinea aki cu awor ta den un noticia menos bunita pasobra e trahadornan no a cobra.
For di comienso hopi ta puntra con un aerolinea por bin cu un avion y pone esaki para na Aruba sin cu bo tin un permiso. Ademas nan ta leu di cla cu nan permisonan.
Albert1
Ta tarda demasiado cu e tramitacion di documento.
Tur compania tin un limite cu e por wanta sin entrada. No por ta asina cu ta djis bisa cu e mester tin forsa financiero! Cuanto anja e mester wanta?
Come on, asina nos ke inversionista bin Aruba?