Gary Giordano deteni na Merca pa acto inmoral
ORANJESTAD (AAN): Despues di a keda encarcela pa varios luna, finalmente el a haya chens di bandona e isla aki. Esey despues cu no por a haya ningun detaye mas pa incrimina e Mericano aki den desaparicion di e dama Robyn Gardner.
Pero awor, Gary Giordano a worde aresta na Maryland na Merca. El a worde haya sunu cu un muher den siento patras di un Cadillac Escalade.
Gary di 51 aña y e muher identifica como Carol Bock di 45 aña di Tennessee, a worde aresta pa investigacion di e acto inmoral, despues cu nan a worde descubri pa Polis di Annapolis den e auto.
Agentenan a ilumina cu nan flashlight paden y a mira nan dos drumi riba un matras riba e parti patras di e vehiculo SUV.
Na Maryland, actonan indecente asina por pone cu e acusado ta haya un multa te cu $1.000, of un castigo di tres aña den prison.
