Home General Grupo di studiante di Aruba a bolbe entusiasma y inspira for di...

Grupo di studiante di Aruba a bolbe entusiasma y inspira for di Washington D.C.

0
0
SHARE
- Advertisement -

Programa piloto Young Ambassadors exitoso
ORANJESTAD(AAN):Recientemente un grupo di 11 hoben di Universidad di Aruba, IPA y Parlamentario Hubenil a realisa un biahe pa Washington D.C. Meta tras di e biahe di estudio aki ta pa e studiantenan por experiencia pa nan mes un sistema diferente di administracion publico, servicio civil y gobernacion en general. E programa piloto a haya nomber di “Young Ambassadors” y diaranson ultimo nan a duna un presentacion di nan experiencianan na Washington DC. na Prome Minister Mike Eman y diferente personalidad di mundo di educacion manera Universidad di Aruba, IPA y Parlamento Hubenil. Tabata hopi evidente for di e presentacionnan aki, cu e prome participantenan di e programa a bolbe hopi impresiona y inspira pa e experiencia. E proyecto aki, cu ta un iniciativa di Gobierno, a haya apoyo di Universidad di Aruba y su organisacion di studiante.E ultimo aki a traha duro pa e proyecto finalmente por a bira un realidad.

“Mirando e resultado, e impacto cu e biahe y ambiente di Washington tabatin riba e studiantenan, di sa kico ta fundacion di un gran nacion, mi ta convenci cu ta necesario pa mira con ta sigui cu e programa,” Rector Thode a bisa na final di un presentacion cu e studiantenan a duna na Prome Minister mr. Mike Eman diaranson ultimo. Sr. Thode a sigura cu, como rector, e lo bay studia, hunto cu otro partnernan pa structura tipo di programanan asina pa futuro.

E idea tras di e biahe pa Washington a wordo splica door di Michelle Brooks, miembro di Management Team di Departamento di Recurso Humano di Gabinete Mike Eman. “Nos Prome Minister tabatin un vision. Y e vision aki ta pa studiantenan di diferente scol y “background”, bini hunto pa e biahe aki pa WashingtonD.C., y siña mas di e servicio civil; procesonan gubernamental na Merca.

Y pa despues trece nan experiencia di eynan Aruba y trata di comunica e pensamento aki den otro hobennan, pa haci di Aruba un luga ainda mas miho pa biba,” e consehero den Recurso Humano a splica na final di presentacion di e hobennan. Na Washington e hobennan a bishita diferente centro cu tin di haber cu historia Mericano y funcionamento di e nacion.

E biahe di cuater dia a resulta exitoso, pasobra e hobennan a bolbe cu e entusiasmo y conocemento cu a spera cu nan lo a haya. Pero mas interesante, segun sra. Brooks a splica, e hobennan ta dispuesto pa hiba e experiencia aki na e siguiente nivel y aplicaesaki na Aruba. Aunke cu e ta un iniciativa di Gobierno, e ta wordo mira como un programa priva cu a wordo realisa danki na e gruponan di apoyo di educacion, pero tambe un gran cantidad di sponsor, na kendenan a manda masha palabra di gradicimento.

E idea ta pa Universidad di Aruba y otro institutonan educacional tuma e programa aki over pa por manda tur aña un grupo afo.
E hobennan cu a participa den e proyecto ta: Yuri Croes; Marie-Thérèse Croes; Rigmar Kock; Indira Chan; Collins John; Leanne Geerman; Ruell Wester; Eugene Caines; Esther Gomes; Tyson Lopez y Ziziane Flemming.

- Advertisement -

DUNA COMENTARIO

Please enter your comment!
Please enter your name here