Homber a ranca celular di mucha y somenta
ORANJESTAD.(AAN); Diahuebs merdia, a presenta na warda di polis Oranjestad e señora di inicialnan T.H. D. cu a reporta ladronicia di un Blackberry.
E señora a conta polis, cu un homber desconoci a kita, e black berry modelo curve color preto y rand metalico for di su yiu homber menor di edad.
Segun su yiu homber e tabata para na altura di Stadion Guillermo Trinidad y un homber cabez pelon feita, delega, color bruin cu un pechi baseball, riba bicicleta color preto cora a para banda di e yiu.
E homber a puntra e mucha si e por presta su cell., debi cu e mucha no conoce e homer el a bisa no. Consecuentemente, e homber abusador a rabia y ranca e cell for di e criatura y a baha na awa riba bicicleta. E locual a tuma lugar, e mama kier a pone polis na altura den kico e su yiu a pasa aden.
