Home General Ladronnan a fiesta den cas durante vacasion di habitante

Ladronnan a fiesta den cas durante vacasion di habitante

0
0
SHARE
- Advertisement -

ORANJESTAD.(AAN); No tin un cos mas desagradable ora cu doño di cas bolbe y ta bin descubri cu ladron a kibra, drenta, y horta den su cas. Diaranzon atardi, central di polis a instrui patruya di Noord pa bay na Tierra del Sol unda na un residencia den Mira Mar polis a papia cu e señora di inicialnan M.C. cu a declara di a bolbe cu vacasion. E señora, segun su version, a trata di habri porta dilanti cu yabi, pero el a bin ripara, cu e porta no ta na yabi. Ora el a drenta den su cas e no por a kere su wowo.
Su television flat screen di e marca Sharp a somenta. Den camber na e parti west di e residencia bentana tabata destrui. Na piso ariba, den walking closet, e ta sinta falta di diferente paña cu ta pertenece na su casa, entre otro 8 pa10 shirt, 3 pa 4 short, algun t-shirt y algun jeans, ta locual a wordo horta. Di e flat screen, denunciante no sa e tamaño, e buki ta menciona diferente inch. Polis a tuma e denuncia, mientras segun guardia di Tierra del Sol, riba 5 di mei ultimo a descubri un television riba e tereno di golf y patruya di polis a pasa y nan a bay cu e aparato.

- Advertisement -

DUNA COMENTARIO

Please enter your comment!
Please enter your name here