MEP: Tabata tin destaho publico pa proyecto di Urirama?
ORANJESTAD (AAN): Un aspecto cu ainda no a haya claridad ta si tabata tin un destaho publico pa cu proyecto di Urirama.
E gobierno aki a haci e fenomeno di destaho publico algo den
extincion, y si nos no actua lihe contra e mal gobernacion aki, e
fenomeno di destaho publico lo ban den extincion, manera dinosauro.
Ley ta stipula cu pa tur proyecto riba 100 mil Florin, gobierno MESTER
haci un destaho publico. Solamente si ta trata di algo cu bo no por
haya na mas caminda, e ora bo mag di haci un destaho riba invitacion.
Esey ta nos ley di contabilidad, y gobierno di AVP mester stop di
trapa e ley aki, djis pa privilegia cierto hendenan.
Ken AVP kier privilegia?
Ainda no ta cla ken exactamente AVP kier privilegia. Gobierno mester
ainda divulga ken ta e ULTIMATE BENEFICIAL OWNER di Vader Piet ta.
Nos sa cu casa di lider di fraccion di AVP ta directora di e compania,
pues eynan talves e contesta ta? Of ta trata aki tambe di un privilegio pa hendenan cu a financia campaña di AVP na 2009?
Of talves cu mester bay financia campaña di 2013?
WEB a declara den Parlamento cu e molina di bientonan lo NO tin efecto
riba e prijs di coriente. WEB a bisa tambe cu si nos sigui cu e
molinanan, pero si nos bay pa gas, e lo no yuda baha prijs di coriente
tampoco.
Anto, pakico gobierno kier forsa habitantenan di Noord cu un proyecto
asina sin cu e ta baha e prijs di coriente?
