Home General Minister Mike de Meza na Guyana explorando oportunidadnan di inversion

Minister Mike de Meza na Guyana explorando oportunidadnan di inversion

0
0
SHARE
- Advertisement -

ORANJESTAD(AAN):Un delegacion di Aruba, guia pa Minister di Finanzas, Comunicacion, Utilidadnan y Energia, Mike de Meza, ta na Guyana y ta explorando oportunidadnan pa colaboracion cu Guyana. E delegacion a bishita e Minister di Recursonan Natural y Medio Ambiente, Sr. Robert Persaud, na su oficina den e edificio di e Oficina di e Presidente, Shiv Chanderpaul Drive, Georgetown, pa discuti e posibel oportunidadnan di inversion y otro areanan di colaboracion entre Guyana y Aruba. Minister de Meza a bisa: “Tin hopi interes na Aruba pa traha hunto cu Guyana, den diferente sector, riba diferente topico.” El’a bisa cu turismo ta un di e areanan, desde cu Aruba ta conoci di ta un pais agresivo riba turismo, cu mas of menos 100.000 persona bibando riba e isla, cu ta ricibi 1.6 miyon di turista, bishitando anualmente. “Nos por ta di beneficio di Guyana, si Guyana ta interesa den e direccion ey; pero na e mesun momento, nos lo kier discuti tambe posibilidadnan di intercambia informacion riba energia alternativa. Awe, nos lo continua riba un rig di petroleo y gas cu tira un bista loke Guyana ta haciendo,” el’a bisa.

Finalmente el’a bisa: “Nos ta bezig na Aruba tambe haciendo estudionan di Aruba tin reservanan di petroleo of gas den lama, y prospectonan ta hopi halto y nos kier bin bishita pasobra boso sa cu un di e companianan cu nos ta bezig ta deal cun’e ta Repsol, y nan ta haciendo trabaonan similar pa boso na Guyana.”

 “Asina ta nos a dicidi di bin bishita Guyana, y tambe na e mesun momento, duna un bishita di cortesia na e Gobierno di Guyana pa cuminsa un relacion cu Aruba.” Fuera di agricultura, el’a bisa cu e ta hopi interesa den esaki, ya cu Guyana ta un pais cu ta orienta fuertemente riba esaki.

“Aruba ta practicamente seco ora ta bin na esaki, y nos lo kier mira kico ta e posibilidadnan pa Aruba beneficia di e agricultura cu Guyana tin pa ofrece; y crea algun relacion di agri negoshi.” Minister de Meza, kende ta riba su prome bishita eynan, a bisa cu e Guyanesnan ta bayendo hopi bon na Aruba.

“Nan ta hopi servicial; nan ta bibando cu nos pa hopi aña, hopi bon ciudadano.” Minister Persaud a ricibi e delegacion y a discuti kico ta tumando luga den termino di exploracion di petroleo, incluyendo actividadnan off-shore di drilling door di Repsol, como tambe di un otro gigante di petroleo, CGX.

“Ya cu nan lo consehabo, nos tin e Jaguar actualmente ta drill. Nos ta sperando algun forma di noticia, spera bon noticia, den e futuro cercano y nos a caba di completa e drillmento di otro door di CGX,” el’a bisa. El’a bisa cu tin hopi interes, cu cerca di seis compania cu ya caba a adkiri permiso pa conduci exploracion eynan y Guyana lo ta dispuesto pa comparti su experiencia limita den e asunto aki y provee informacion di “gobierno pa gobierno.”

“Nos ta hopi contento cu Repsol a wordo envolvi, demostrando e interes y siguramente ta completa e rekerimentonan. Nos ta spera cu nos tin un descubrimento, esey ta loke nos ta conta riba dje,” el’a bisa. E delegacion, cu a yega ayera diaranzon, a bandona Guyana diabierna mes.

- Advertisement -

DUNA COMENTARIO

Please enter your comment!
Please enter your name here