Ora un gang bati un hende den grupo nan por haya te 6 aña di castigo
ORANJESTAD (AAN); Mayoria di nos ciudadano nan no sa nos ley nan vigente y e consecuencia den e caso aki comete maltrata persona den grupo, ta un delito serio y ta colga 6 aña di castigo riba cabez di esun meti. Diabierna pa alrededor di 10’or, patruya di oranjestad ta pasando altura di Maria College MAVO y nan a worde para pa un señora. E señora a declara cu su yiu homber di 15 aña a worde maltrata pa un grupo di mucha homber. Polis a intermedia entre e partidonan y tambe den presencia di cabesante di e school concerni. Parce e a surgi problema entre e mucha homber di inicialnan C.A.B. y otro colega di e klas cu ta e mucha homber J.E.H.C. di 18 aña di edad cu caba biaha nan tin interambio di palabra cu otro.
Diabierna, durante gym, J.E.H.C. hunto cu dos otro colega di klas di inicialnan D.C. y B.H. tambe otro nan, a warda CAB pafor y ora yega nan a dale bate formalmente. E mucha homber J.E.H.C. mes a bisa polis, di a dal C.A.B.
Polis a indica C.A.B. cu e por bay Recherche di Oranjestad pa entrega denuncia di a worde maltrata pa un grupo di persona cual ta serio. Ta menciona maltrato door di tres of mas persona, codico penal ta menciona 6 aña di castigo.
