Home General Pacientnan cu no ta bay bon cu un remedi mester consulta cu...

Pacientnan cu no ta bay bon cu un remedi mester consulta cu e docter y hunto yega na otro solucion!

0
0
SHARE
- Advertisement -

Solange Tchong PR di AZV:
ORANJESTAD (AAN) – Matutino DIARIO a entrevista señora Solange Tchong, Relacionista Publico, tocante kehonan cu tin den comunidad cu e remedinan cu AZV ta paga awendia pa e pacientnan no ta duna e mesun resultadonan cu esnan di antes.
Señora Solange Tchong a señala cu loke ta importante pa e asegurado sa, ta cu tin un lista positivo na Aruba cu ta hopi mas amplio compara cu otro islanan den nos vecindario. El a señala cu e lista positivo di Aruba ta carga entre mil pa 1400 remedi, cual no ta un lista estatico cu un biaha a worde skirbi y eynan e ta keda, pero e ta wordo evalua tur luna pa controla kico tin nobo riba mercado, kico e fabricanan a dicidi di stop cune y otro nobo na su lugar, y tur esaki ta wordo evalua.
Señora Tchong a agrega cu tambe ta asina cu na momento cu un pacient ta haya un remedi, pero cu e docter di cas ta dicidi cu e tin cu bay over na otro remedi, semper e mehor conseho ta pa e pacient informa bon cu e docter kico ta e motibo pa cambie di remedi, kico exactamente ta spera di esaki y con mester tume, cu ta algo hopi importante tambe.

Segun e dama, hopi biaha e forma con un persona ta tuma e medicamento tin hopi di haber con su curpa ta bay reacciona, y ta conoci cu na Aruba hopi hende ta un tiki dehado den e aspecto aki, y no ta tuma e remedi manera e ta wordo receta y tur esaki por tin efecto riba e pacient su curpa.

El a acentua cu si un persona ta haya for di docter di cas of specialista un remedi cu no ta bay bon cune y e ta sinti efectonan secundario, ta bon pa e consulta cu e docter. Sra. Tchong a subraya cu tur docter di cas, specialista y demas dunadornan di cuido ta na haltura di tur loke tin y cu ta wordo cubri door di AZV, y hunto cu e pacient por yega na un solucion.

Banda di esey, den e escenario mas peor, unda cu un pacient ta haya dos remedi pero ningun di e dos a bay bon cune, ainda keda e opcion pa medio di e formulario concerni cu ta un special cu AZV tin pa e docternan, nan por aplica pa e remedi specifico ey pa nan pacient, door di yena esaki, argumente bon pa wak kico ta pasando, y AZV lo evalua esaki.

El a agrega cu e pacient por yama AZV tambe, duna nan e nomber di e remedi specifico cu e docter a aconseha, y nan ta laga nan conseheronan farmaceutico duna informacion ki otro posibilidadnan tin.

El a agrega cu ta bon pa e pacient comunica cu AZV ora algo no ta bayendo bon cune, pa nan por controla esey. Semper nan por laga controla si e remedi cu e pacient a haya ta corecto of si tin otro opcion. Esaki ta un aspecto informativo cu AZV ta haci caba. Esaki sa socede tambe cu clientenan cu ta yama, pero e base ta pa hunto cu e docter di cas of specialista, mester por consulta pasobra e docter mester ta un persona di confianza pa e pacient, di cual e ta conoci y sa pakico e ta recete e tratamento y e remedi concerni.

- Advertisement -

DUNA COMENTARIO

Please enter your comment!
Please enter your name here