Personanan casa cu arubiano no lo rekeri permiso mas
cu introduccion di e ley nobo
ORANJESTAD (AAN): Den entrevista cu Directora di DIMAS, Sra. Kathy Paskel a puntre si Aruba ta keda un atraccion pa esnan di exterior cu kier bin traha na Aruba.
E directora di DIMAS a splica cu mester mira otro cosnan cu tambe lo worde cambia. E ta depende ki rumbo ta bay cu e economia, si ta arbeidsintensief. Si scoge pa pone un hotel, e lo tin un impacto si no tin localnan pa yena.
Otro categoria di permiso cu ta atende, cu ta e masa grandi ta e famia. Cu tempo, segun maneho, por laga e famianan bin Aruba. Tin cierto restriccionnan si. Entre nan edad, restriccion cu nan mester bin tres biaha Aruba prome cu nan aplica.
Tin dos reglanan ey tin excepcion pa cierto categorianan tambe. Ta cu e cantidad di hende cu tin y e manera cu ta organizando e trabao, DIMAS ta bezig ta handle e trabao.
Naturalmente tin cosnan cu lo cambia cu e ley nobo y cu lo haci cu cierto camindanan ey ta spera cu e peticionnan lo baha.
Den e ley nobo e casanan di e Arubianonan no lo rekeri permiso mas. Aworaki nan ta bay DIMAS anualmente pa renoba nan permiso. E grupo ey lo baha. Esey ta un cambio den e ley nobo.
Tin cambionan na caminda y cu tempo lo haci cu e cantidad di peticion lo por bira menos segun Señora Paskel.
