Home General PetroChina mirando e posibilidadnan pa keda mas largo posibel cu e refineria...

PetroChina mirando e posibilidadnan pa keda mas largo posibel cu e refineria na Aruba

0
0
SHARE
- Advertisement -

Mike de Meza:
ORANJESTAD (AAN): E puntonan cu PetroChina a trece riba mesa ta puntonan sumamente importante caminda sigur gobierno tambe kier tin acuerdo riba nan. Esey ta garantia cu gobierno tin pa e trahadonan local y companianan local cu tin tur comprension pa esey y ta di acuerdo cu esey tambe. Minister Mike de Meza a splica cu ta puntonan cu ta sumamente bon pa Aruba. Tambe papia riba e extension y inversionnan cu nan ta premira pa e refineria. Nan ta bezig ta contemplando esaki den ki direccion lo ta e direccion economicamente mas factibel y interesante y tambe mas sostenibel pa un longetivity pa e refineria su operacion.
Tin cu bisa cu e reunion aki y e parti di nan tabata uno hopi positivo. Nan ta hopi interesa y nan ta hopi positivo tambe pa e relacion nobo entre nan y posiblemente cu Gobierno di Aruba. Nan a expresa esaki tambe.


E reunionnan tabata hopi interesante. No ta facil, ta oranan largo cu ta sinta na mesa y prome cu sinta na mesa mes, e dianan dilanti di esey hopi biaha ta den contacto telefonicamente, electronicamente, ta delibera riba diferente punto.

Tin cu haci mesun calculacion y tambe discusionnan cu conseheronan tambe y mira kico ta e sinergia entre nan cu Aruba y kico ta pasando mundialmente pa tin un concepto total di kico ta e posibilidadnan cu e relacion nobo aki por crea cu ta den beneficio di Aruba, pero tambe na fin di dia den beneficio di e partner strategico cu lo bay opera e refineria. Aki tin cu sinta bon discuti esakinan y wak e interesnan comun cu por trece cun’e y cu na final ta algo sostenibel pa un termino largo.

E interes ta den e refineria total, segun e mandatario. E refineria no por worde opera si no tin e waf, ni e tankinan di producto, etc. Pa opera e refineria mester un operacion total, cu ta encera e parti di waf caminda ta trece barconan aden pa pone den inventario. E tankinan di crudo pa por procesa esakinan debidamente, den mixto cu bo kier pa e bay e refineria y pa despues procesa esaki, traha su productonan y mester por pone e inventario aki den e diferente pulsenan di productonan, den tankinan y despues e mesun productonan aki mester por saca nan via e propio wafnan caminda e barconan ta busca e productonan, ta un operacion esaki ta.

E mesun reglanan cu a conta den ultimo añanan di Exxon, tambe den temporada di Coastal, El Paso y Valero, ta conta pa nan tambe. Na ningun momento PetroChina a expresa di cu kier bin cu par di 100 of un par di 1000 trahado na Aruba pa traha den e refineria.
Nan di cu nan no ta interesa den e posibilidad ey.

Nan kier haci mesun uzo cu por tin. Tin diferente compania cu tin 40 pa 50 trahadonan aki specialisa riba varios tereno den e refineria. E mesun trahadonan aki lo ta eynan pa traha. Ora cu tum’e den totalidad di mas of menos 650 trahado cu ta traha den e refineria directamente. Si ta papia di tur e gasoline station, ta yega 750. E no ta yega ni 10% y tur compania tabata tin e derecho ey pa trece nan hendenan di confianza den cierto area.

Ta hendenan bon specialisa den ingenieria, Finanzas, economia di e proceso industrial di e petroleo. Hendenan cu ta inspectornan cu un resumen sumamente impresionante, e tipo di hendenan ey bo ta trece como expertonan pasobra esnan local tur ta labora den e refineria y tin biaha bo tin mester di expertonan mas pa bin yudabo.

E tipo di e cuponan ey, nan tambe tin interes den dje pasobra mester tin nan pa sostene e operacion di e refineria na un manera responsabel. Riba esey ta haci pregunta riba dje como gobierno segun e mandatario. Nan tin e mesun derecho cu cualkier compania. Nan no tin ningun interes pa bin abao cu cientos di hente ni miles di hende.

Al contrario esey tabata hopi bon. Opositornan politico semper ta laga algo bon mustra malo, pero e minister a asumi cu esey ta nan trabao y cada ken tin cu haci nan trabao riba e manera cu nan ta kere ta mas responsabel. Pueblo lo ta esun cu ta husga ken ta esunnan cu a actua corectamente riba topiconan asina importante pa e pais, e mandatario a termina bisando.

- Advertisement -

DUNA COMENTARIO

Please enter your comment!
Please enter your name here