Polis a atende cu un cas unda tin mas di 30 cacho
ORANJESTAD(AAN):– Cacho morto den cura y mas di 30 cacho mal cria, cu un situacion sigur no bunita pa mira, ta locual polis a constata ayera. Polis cu a yega na Sabana Basora na e cas pa purba interveni pa un cantidad di cacho cu tin den un situacion deplorable a haya nan mes cu e situacion aki. E señora cu ta cria e animalnan aki no ta un desconoci. E tin cantidad di cacho y cada biaha ta sigui yena su cas cu mas cacho. Na Sabana Basora e ta biba y bisiñanan ta considera tambe e forma cu ta cria e cachonan como uno menos higienico. Pesey mes polisnan a haya un tip y a bai na e adres. Ademas di un cacho morto nan por a conta mas cu 30 cacho di cual hopi den mal estado. Animal Shelter tambe conoce e señora aki. Cacho den cas, pafor di cas etc ta loke por mira. Te hasta lo tin un santana den cura di cas cu e señora aki ta derando su cachonan. Polis a confisca un auto cu lo ta di e señora.
E number no ta paga. Polisnan a trata na busca un combersacion cu e señora pero e no kier a sali for di su cas. Despues di haci henter un inventario lo bolbe pronto na e adres pa mira ki paso lo tuma pa e forma deplorable cu ta criando e cachonan.
Kizas su intencion ta bon pero mester tin e manera tambe pa haci esaki. Pa piki cacho riba caya etc ta masha bunita pero financieramente no ta algo facil mirando cu e cachonan mester come tur dia. Cu mas di 30 cacho e lo ta un peso hopi grandi mes.
Desiree
Ta un lastima pasobra e dama aki a purba duna nos cacho di caya un refugio sea cu e tabata tin malesa, tabata muriendo di hamber of tabata herida. E senjora aki ta un di e poco nan cu ora e cacho di caya aki muri ta basha lagrima pa e pober bestia. Ami ta spera cu enbes di dun’e boet, gobierno tuma e oportunidad aki pa urgentemente atende cu e problema aki na Aruba. Mi sa cu tin un proceso ta andando al momento pero e deadline tabata ayera y no mayan. Ta bira tempo cu Aruba demostra na su yiunan y bishitantenan cu sea ta cacho, pushi of nos buriconan, nos ta cuida y aprecia nos bestianan y ta duna sosten na instancianan cu ta traha riba e tereno di proteccion di animal. Mi ta urgi prensa pa tuma contacto cu e diferente instancianan aki pa wak con prensa tambe por ta un partner strategico pa trece un cambio den e situacion pesimo aki. Y como one Happy Island nos tur tuma e responsabilidad di tin many Happy Animals.
GILBERT
We should be happy that there is someone who cares about animals the way this person involved does. I know what really happened. The police should be proud of to have a person who comes up for the right and well being of the animals. The only thing I can do is saying to this person ‘Keep up the good work’. With people like this the dogs in Aruba will get a second chance in life. The police involved should be ashamed. People in Aruba should be educated in how to treat animals. That’s a big problem! In stead of going after this person involved, put a little effort in how to stop illegal animal fights. That’s something that needs to be stopped years ago. But everything is about money. So keep up the work of saving animals and if you need some help, you know where to call me. Good luck!!!!!