Home Policial Problema awor entre sub-contratistanan pa cu proyecto na WEB Aruba NV

Problema awor entre sub-contratistanan pa cu proyecto na WEB Aruba NV

0
0
SHARE
- Advertisement -

ORANJESTAD (AAN); Denuncia a worde haci na polis relaciona cu destruccion y hortamento di articulo for di un container situa riba tereno di WEB Aruba NV.

   Central di polis a dirigi patruya na e compania Croon. E homber cu ta gerente general a declara cu nan compania (Croon) tin un contract cu Albo NV y e ultimo tin un contract cu e compania Veolia.

   E compania Veolia ta e contratista principal cu tin e contract cu WEB pa construi un edificio nobo.

   A surgi problema entre Albo y Veolia pa cual Croon no por subi tereno di WEB mas. Riba e tereno di WEB, nan tin un container di Croon. Parce cu Veolia segun informe suministra na polis a destrui e candal di e container y a saca articulonan for di esaki.

   Polis a recomenda e gerente general di Croon cu ta e homber di inicialnan J.H. naci na hulanda pa e acudi na despacho di Recherche pa entrega keho oficial.

- Advertisement -

DUNA COMENTARIO

Please enter your comment!
Please enter your name here