Home General Pronto lo completa e fase final pa e acuerdonan tuma luga entre...

Pronto lo completa e fase final pa e acuerdonan tuma luga entre gobierno y ehecutivonan di PetroChina

1
0
SHARE
- Advertisement -

Despues cu Minister de Meza a reuni cu nan na New York
ORANJESTAD (AAN): A combersa cu Minister de Meza diaranson riba e desaroyo di Petro China. El’a haci un viahe di un dia pa reuni cu PetroChina y bin back. E mandatario a comenta cu dialuna el a biaha pa New York pa topa cu e ehecutivonan di Petro China, hunto cu nan abogadonan. A discuti e diferente partinan di due diligence cu nan ta trahando riba dje. Esaki ta yegando den su fase final y a discuti loke nan ta yama Head of Agreements, e puntonan cu mester claridad, puntonan di interes caminda tin preguntanan cu mester contesta riba nan di tur dos banda, di banda di gobierno, di banda di e ehecutivonan di PetroChina.
Esaki a bay den un ambiente hopi positivo. E tabata hopi interesante. Un reunion di 4 ora largo. Despues di e reunion ey minister de Meza a bolbe back Aruba. El a keda 24 ora New York. E tabata bon.

A yega hopi leu den e reunion aki. Tin hopi di e puntonan cu ta puntonan di interes comun y kier yega acuerdonan riba dje. Tin algun punto ariba cu ta worde discuti hunto cu e ehecutivonan. Awor aki ta pasando den e fase final pa completa henter e parti di nan pa cu Gobierno y Gobierno pa cu nan. Nan tin dos direccion cu nan ta trahando riba dje simultaneamente.

Un due diligence cu tin entre nan y Valero, cual ta canando den un bon ambiente, positivo y nan ta trahando riba esaki. Segun e mandatario e siman cu lo bin lo bay ta uno interesante caminda lo ta trahando pa finalisa tur dos di e rumbonan aki di e Due Diligence cu decisionnan concretamente lo por worde tuma den e simannan nos dilanti.

Ingredientenan tur t’ey y ta bayendo den bon direccion. Muy pronto por completa e fase aki cu ta un fase sumamente importante pa sigui pa e ultimo fase na e acuerdonan cu por yega na un compra por ehempel di e refineria, caminda por cuminsa prepara pa wak pa tin e refineria back den operacion.

- Advertisement -

DUNA COMENTARIO

Please enter your comment!
Please enter your name here