Recherche di Playa a desmantela banda di ladronnan
Mayornan conciente di acto di nan yiu:
ORANJESTAD (AAN): Recherche di e Departamento Crimen Comun encabeza pa inspector Carlos Hodge na warda di Oranjestad a desmantela un banda di hobennan ladron entre 14 pa 25 aña. Mas cu diez detencion a tuma lugar.
E casonan ta diferente riba casnan di hende. Ora cu doño di cas bay traha nan ta bolbe cas y haya nan cas full reboltea y cantidad di nan propiedad a somenta. Den diferente parti di Aruba e razzianan di recherche a tuma lugar.
E grupo di ladronnan aki na dado momento ora a cuminsa haci e prome detencionnan e informacion a core mesora. E otronan a cuminsa sconde pa autoridad. Esaki no a yuda pasobra sea den dia of anochi y marduga e team di recherche di Playa a yega na e adresnan y piki esnan cu nan tabata tin mester.
E ladronicianan ta hopi y ta bastante y joya di bastante balor a somenta. Placa cash ta sumanan masha grandi mes cu e ladronnan a bay cune tambe.
Den e accionnan a logra pone man tambe riba hopi di e joyanan y un parti masha grandi mes di e suma di placa na dollars cu a disparce.
E razzianan y entradanan segun Carlos Hodge hefe di recherche di Playa tabata den e barionan di Madiki, Wayaca, Parkietenbos, Tierra Del Sol etc. E hobennan deteni entre 14 cu 25 aña ningun ta bay school.
Segun Carlos Hodge ta muchanan cu ta sinta bao palo y busca maldad pa haci. Ademas tur e hobennan aki ta usa droga. Den e razzia a pone man te hasta riba mayornan di algun di e hobennan aki como complice di ladronicia. Nan yiu ta yega cas cu ekiponan electronico manera flatscreen, Ipad y placa cash y cierto mayor ta tuma esaki sea pa warda of pa usa.
Esaki ta algo di lamenta segun Carlos Hodge hefe di recherche pasobra e ta hopi castigable.
Lanta un team di kiebro a duna su resultado tambe pasobra awor e grupo di criminalnan aki lo keda algun tempo aleha for di caya. Entre esnan deteni tin cu a yega di haya problema cu husticia. Algun tabata sera algun dia pasa caba pasobra a garanan den Maranatha na Paradijswijk y den diez dia nan tabata afor.
Awor nan ta back tras di trali pa otro delitonan. E recherchenan lo keda traha pa asina garantiza seguridad den tur hogar na Aruba.
G,Rozenberg
mi opinion,pone e hendenan aki riba avion y mandanan nan luga bek cu tur nan famia ,den prison nan ta costa nos gobierno placa,loke ta drenta nos Isla y cu ta ilegal majoria di nan ta hendenan cu no ta bini Aruba pa juda nos,pa bin horta y hasi danjo,cuanto di nan tin criminele achtergrond? Tene aruba limpi di criminalidad,e sorto di hendenan deportanan mes ora.